بالفيديو.. «بكري»: «اللي هينزل في 25 يناير هنسحقه ونمسح بيه الأرض»

انتقد الإعلامي مصطفى بكري، الدعوات المغرضة التى تدعو إلى التظاهر يوم 25 يناير، قائلاً: «بعض المأجورين بدأوا من جديد يروجون لثورة في 25 يناير المقبل»، معقبًا: «ده كام 25 يناير ده، ده الرابع من يوم 25 يناير الأساسية، أرجو إننا منكبرش من حاجة، لأن مفيش حاجة، فاكرين يوم ما قالوا ثورة في 28 نوفمبر، الدنيا كلها اتقلبت، وفي النهاية محدش قدر ينزل الشارع".
وأضاف« بكري»، خلال برنامج «برلمان المستقبل»، عبر فضائية «صدى البلد»، اليوم الأربعاء: «اللي هينزل في 25 يناير الشعب هيتصدى له، هنسحقه، ومش هنسمح لأي حد إنه ينزل، أيًا كان، إحنا مش هنعيد إنتاج ما مضى، إحنا مش هنبيع بلدنا لحد، إحنا مش هنخلي حد يمس مصر، اللي هيفكر يمس مصر الشعب هيسحقه وهيمسحه من على الأرض، الشعب المصري ده شعب عنيد وفاهم وواعي وصابر، لكن لما بينفجر مش بيسيب حد يتآمر عليه»، مشيرا إلى أن مصر تتقدم بشكل كبير وتدفع نحو النهوض وإعادة بناء الدولة مجددًا، ولكن من يحاولون إفساد الأجواء.