معتز عبدالفتاح عن "مظاهرات اليوم": "متحلبوش بقرة مفيهاش لبن"

طالب أستاذ العلوم السياسية بجامعة القاهرة الدكتور معتز بالله عبدالفتاح، الراغبين في التظاهر اليوم السبت، ب"عدم النزول"، قائلا: "أرجوكم متنزلوش، ومتحلبوش بقرة مفيش فيها لبن".

وقال "عبدالفتاح" خلال تقديمه برنامج "90 دقيقة" على قناة "المحور"، مساء الجمعة: "ابتدينا نقف على رجلينا، وحالتنا الآن مستقرة ، وهذه دعوة للاستثمار الأجنبي أن يأتي لمصر".

وعرض "عبدالفتاح" كاريكاتير "يمثل المال العام ب"البقرة" وجميع المواطنين يحاولون "حلبها"، وقال: "زي ما أنتم شايفين البقرة بتموت وإحنا عايزين نحلبها"، مضيفا: "أسف تشبيه البقرة، لكن الرسالة مش من مصلحة أي وطني إنه يتظاهر دلوقتي".

وتابع: "مش كل احتجاج تنزل الشارع، ده فيروس وهينتشر، هنحتج ونرجع تاني لأوضاع الفوضى، معلش نيجي على نفسنا شوية قدر الاستطاعة، اللي يعرف إيه بيدبر لمصر من الخارج هيقول ياريتني".


وواصل: "بقول لكل وطني شريف ادوا البلد فرصة تقف على رجلها، وكل واحد يستحمل شوية، فيه ناس بتموت لمجرد يبقى فيه وطن".