إسعاد يونس توجه رسالة لسعيد صالح فى ذكرى رحيله

أحييت الفنانة إسعاد يونس، الذكرى اأولى على رحيل الفنان سعيد صالح، مؤكدة أن الوسط الفنى افتقده.

وتخيلت "يونس"، إنها تحاور الراحل، حيث وجهت له رسالة عبر حسابها الخاص بموقع التواصل الاجتماعى "فيسبوك" حيث كتبت: " وإنت عامل إيه يا سعدون عندك؟ وحشتني يا جدع، مبسوط؟ شفت حاناظر؟ عملتوله استقبال حلو كده إنت وزكاوه ويونس؟ إوعى تكون عامل دوشة للأستاذ فؤاد والأستاذ مدبولي، آه، بلاش شقاوه بقى، عايز تتشاقى عليك وعلى بيدو وبيبو، فرغلي وبهجت".

وأضافت فى رسالتها: " شكلك مبسوط يا حبيبي ومتنبسطش ليه؟ دأنت ضحّكت وطن بحاله، مش حاتضحك من قلبك في جنة ربك؟ إحنا كويسين يا حبيبي، هنوده حلوة و شاطرة وبتكارك في الدنيا، بت جدعة ومش طرية ولا خرعة، بنتك يعني، إحنا بقى.. يعني.. مش فايتك كتير".

وختمت حديثها قائلة: " خليك إنت في مُلك ربك الواسع، واتنعم بالصحبة الهنية، سيبك مننا أحسن ممكن تتغم وتتعكر، لما نبقى نتقابل حنبقى نحكيلك، سلام يا صاحبي".
جدير بالذكر أن سعيد صالح، رحل عن عالمنا أول شهر أغسطس العام الماضى 2014، بعد تعرضه لازمة صحية، دخل على إثرها مستشفى المعادى العسكرى وتوفى بداخلها.