بتستعد شركة "روتانا" للصوتيات والمرئيات لنزول البوم الفنانة الكبيرة وردة الجزائرية "اللي ضاع من عمري" في العيد الصغير.
وبعد اللت والعجن اللى اتقال بعد تصريح الفنانة وردة الجزائرية حوالين ما اذا كان البومها الجديد هيكون فيه اغنية "امل" من كلمات والحان مروان خوري اللى عملها مخصوص لوردة، وأخيراً اتأكد الخبر عن طريق الملحن خالد عز اللى ليه نصيب الاسد في الالبوم.وقال عز ان الالبوم فيه ست اغانى تلاتة منها من الحانه وهي "اللي ضاع من عمري" كلمات هاني عبد الكريم، و"ضميرك مستريح" كلمات خالد تاج الدين، و"يا حب مين يشتريك" من كلمات أمير طعيمة ومن توزيع محمد مصطفى ، واكد عز ان الألبوم فيه أغنيتين "أمل" وهي من كلمات وألحان مروان خوري، وأغنية "عدت سنة" من ألحان أمجد العطافي.