والله ما اتعديت حدودي معاه

ازيك استاذة نيفين انا في مشكلة كبيرة ومش عارفة اعمل ايه الله يخليكي ردي علية بسرعة ،
انا اتخطبت لشاب ممتاز وفرحي قرب لكن فجأة ظهر شاب كنت اعرفه من زمان وما حصلش نصيب بينا وبيهددني انه يروح لخطيبي يحكيله كل حاجة دارت بينا وانا اقسملك بالله انه مكنش فيه بينا غير الأصول وعمري ما اتعديت حدودي معاه لكنه غاوي مشاكل وده سبب اننا انفصلنا وشكله كدة ناوي يروح لخطيبي يحكيله حاجات عمرها ما حصلت بينا شكله متغاظ وعايز يفش غله فية باي طريقة وانا بحب خطيبي الحالي ونفسي ربنا يتمم على خير ، قوليلي اعمل ايه الله يخليكي وشكرا جزيلا .
م . ن
فضفضة
محروة الصفحة .. نيفين حجازي
تصارحي خطيبك فورا وخليه هوة اللي يواجه الموقف ، وده متوقف على درجة الثقة اللي بينكم ونصيحتي بشكل عام انك تبتدي حياتك بالصراحة وده موقف أي حد ممكن يتعرض له مفيش مشكلة ولو انتي زي ما بتقولي كان اللي بينك وبينه بالأصول ما تخافيش وثقة خطيبك فيكي هتكون عون ليكي ، وإذا الموضوع لا قدر الله أخد شكل تاني خلي حد من إخواتك او والدك يتدخل مباشرة ، اقطعي على الشخص اللي كنتي تعرفيه خط راجعة .
[email protected]