عبرت الفنانة نجلاء بدر عن استيائها ممن يطلقوا عليها أنها فنانة إغراء. وأضافت خلال لقائها فى برنامج مصر الجديدة مع الإعلامى معتز الدمرداش على قناة الحياة قائلة: مين قال إنى بختار أدوار الإغراء عمدا عشان أقدمها،وأنا بجسد شخصيات فى المجتمع ،وليس شخصيات إفتراضية، وأنا بحاول أبعد عن الإغراء ولكنة إتفرض عليه فى البداية ومش أنا اللى بختار يا جماعة ومكنش فى إختيار إدامى فى بدايتى الفنية إما أمثل الدور ده او أقعد فى البيت . وتساءلت قائلة: لية المشاهد المصرى إتجه للدراما التركية لإنه وجد فيها واقعنا اللى مستخبى ،من خلال تقديم الدراما التركية موضوعات جريئة من خيانه وغيره وتكون خاصة ببطل العمل، عشان كده بلاش ندفن راسنا زى النعام ، وهى مواصفات الإغراء تتمثل فى الملابس فقط ولا فى تناول الشخصية،أعتقد أنها فى الثانية لإنى ممكن البس محترم جدا وأكون مغريه من خلال كلامى مثلا . وتابعت قائلة: مش أنا اللى بختار لبسى فى الأعمال الفنية اللى بقدمها، والملابس دى مش من دولابي .