ريهام سعيد : أنا بغلط بس مش قليلة الأدب

عبرت الإعلامية ريهام سعيد عن مدى غضبها مما نشرته إحدى المواقع الإلكترونية الكبرى من أنها أغلقت الهاتف خلال حديثها مع الشيخ محمد عبدلله نصر اثناء مداخلته الهاتفية فى صبايا الخير ،وقالت له: خليك راجل ومتطلعش فى الإعلام تانى .
ونفت ريهام خلال برنامجها صبايا الخير على قناة النهار كونها حدث منها ذلك.
وتابعت قائلة: أنا بغلط بس مش قليلة الأدب، ومقفلتش السكة فى وش حد، لكن أنا مش بحب أسمع كلام يذيد فتنه ويوقع بين الناس لإننا فى وقت عايزين نبقى إيد واحدة، عشان كدة نهيت المكالمه وقولت له شكرا، أما القائمين على المواقع الإلكترونية والجرائد دى من حقك تكتب عنوان وتنشر بوست على أى حاجة لكن مش من حقك تكذب ، لإنى مقولتش كلمة راجل لإن دى قلة أدب وأنا مش قليلة الأدب ، وعشان تشد الناس تألف كلام عليه .
وأشارت قائلة: للأسف كنت فاكرة إننا اتغيرنا،والناس اللى علقت تحت الخبر دة اللى وصلوا ل119 تعليق ودة طبعا فشل ذريع للموقع دة ،لأن التعليقات دى بنجيبها فى البرنامج من أول 30 ثانية فيه، وهما بيدخلوا يعلقوا و يشتموا عشان هما من بيئة مش متربية،او ألفاظهم كدة واهواللى بيشتم واحدة ست هو بجد مش راجل، وأرجو الجرائد والمواقع تراعى زمايلها والمصداقية .