شهدت حلقة أمس السبت، من برنامج أسعد الله مساءكم من جديد إستضافة الإعلامى الساخر أكرم حسنى أبو حفيظة لأشهر طبيب فى مصر وهو دكتور ربيع بيومى فؤاد . وقال أبوحفيظة على قناة mbcمصر: وقت حضرتك يا دكتور مشتت خارج مصر ما بين بنها والوادى الجديد، قولى سريعا جاى تقعد أد إية فى مصر . ليرد عليه دكتور ربيع قائلا: تقدر تعتبر إنى لسة مجتش مصر ونازل الإسبوع الجاى، لإن عندى مشكلة فى الباسبور، أصل كنت بفطر عسل أبيض الصبح راح وقع شوية على الصورة بتاعتى اللى فى الباسبور . ليقول أبوحفيظة : نقدر نقول إنك يادكتور جاى زيارة ملزقة خاطفة وراجع . ويرد ربيع قائلا: أيوة وأول حاجة أنوى زيارتها فى مصر دريم بارك، أصل والدى كان صاحبى بس كان فى مشاكل بينا معرفش بيغير منى أو ينتقم منى هو حنون الحقيقة، وكان نفسى أروح دريم بارك من زمان . وتابع قائلا: أنا دخلت كليه فنون جميلة ودرست فى حقوق ، ثم طب أسنان، ومعهد تمثيل . ليرد أبوحفيظة قائلا: مشاءلله كل دة درسته وجوائز رغم إن سنك صغير . ويقول ربيع : كله فى الآخر توفيق من عند ربنا مش بحب أتكلم عن نفسى كتير، وعن حياتى الشخصية أنا متزوج وأعول وزوجتى إسمها لميس مضطربة عصبيا من ساعت ما خلفت الأولاد . ليرد أبوحفيظة قائلا: فعلا وراء كل رجل عظيم امرأة مضطربة عصبيا .