صورة.. الشاعر أمير طعيمة يلقن مهاجميه درساً قاسياً

وجه الشاعر الغنائي أمير طعيمة، رسالة مباشرة لجمهور عمرو دياب، وغيرهم ممن وجهوا له النقد وألقوه بالسباب لمجرد بوست خاص على صفحته الشخصية بموقع التواصل الاجتماعى فيس بوك لم يحدد فيه هويه الشخص الذي يتحدث عنه، واعتبر البعض ان هذا الكلام موجه الى عمرو بسب عدم تعاونه مع طعيمة فى البومه الأخير شفت الأيام ، وقد رد طعيمة على هذه الاتهامات مقررا مقاطعة فيس بوك لفترة حتى يستريح من تدخلات الذين ليس لهم شاغل سوى الايقاع واثارة الضغائن.
حيث كتب طعيمة عبر صفحته الرسمية بموقع التواصل الاجتماعى فيس بوك :
ده كده كأنه بيان رسمي بخصوص الكلام الغريب و الفضائي اللي اتقال ع الاستاتس بتاعي، و بعد الاستاتس ده انا هكتفي بمتابعة صفحتي الرسمية و مش هرد تاني، و الرسالة دي اصلا عشان عمرو دياب و فريق عمل الألبوم كله اللي ممكن يكونوا مش فاهمين انا برد علي ايه و علي مين، و يا ريت يقروا اخر كام استاتس عشان يلموا بالموضوع:
1- بخصوص ألبوم الفنان عمرو دياب: انا باركتله هو شخصيا و ما اكتفتش بده و هنيته ع حسابي هنا و علي صفحتي الرسمية و اتمنيت له التوفيق اول ما السامبلز نزلت، و باركت لفريق العمل كله و أثنيت عليه، و اللي معايا ارقامهم كلمتهم شخصيا واحد واحد و باركتلهم.
2- علاقتي بعمرو دياب ممتازة و قابلته قريب و اتكلمنا في التليفون اكتر من مرة و مش هيفسدها شوية الموتورين اللي شتموني، و انا عمري ما هاجمت عمرو و لا ههاجمه و بتمناله دايما كل خير.
3- الاستاتس اللي كتبتها بإسم للأذكياء فقط كان المقصود بيها مش انا، و المقصود بيها ان عدم تعامل عمرو مع ايمن بهجت قمر اكيد خسارة و ده كلام انا مصر عليه، و ده ما بيقللش أبدا من مجهود الشعراء اللي عمرو بيتعامل معاهم، و وجود ايمن و لو بأغنية مع نفس فريق العمل اللي بحترمهم كلهم اكيد كان هيبقي إضافة، و نجاحات ايمن مع عمرو غنية عن التعريف.
4- غيابي عن أخر ألبومين لعمرو دياب مش بسبب خلاف اصلا و اللي البعض مش عارفه ان قبل الماستر بأيام كان فيه أغنية عمرو هيضمها من كلماتي، و الألبوم اللي فات برضه.
5- النقطة الأهم: اللي هيقولوا اني بجيب ورا عشان الهجوم اللي حصل من بعض المتعصبين أقولهم ان دي كمان غلط، و كل واحد شتمني علي جزمتي و ما يهمنيش رأيه اصلا و لا يشرفني وجوده لا علي حسابي و لا علي صفحتي الرسمية، و اكيد ما بطلبش ود الكائنات دي.
6- انا بدأت الاستاتس اللي عملت المشكلة ب للأذكياء فقط و مش ذنبي ان بعض الأغبيا حاولوا يتذاكوا
ملخص الكلام: مبروك للفنان الكبير عمرو دياب و لفريق العمل علي الألبوم تاني و تالت، و للناس اللي شتموني علي كلام ما قلتهوش يا رب اعيش اليوم اللي البلد تنضف فيه منكم و من أمثالكم.
‎‎ منشور by Amir Teima .‎