باسم يوسف ساخراً من مرتضى منصور: "مصر هي أمك"

تناول الإعلامي د. باسم يوسف، بعض المرشحين لإنتخابات رئاسة الجمهورية المقبلة، حيث عرض بعض المرشحين الأقوياء المعروفين وأيضاً المرشحين غير المعروفين في مصر، ولكنه أمسك بالمرشح مرتضى منصور، وصفعه سخرية لم يتخيلها أو يتوقعها أحد.
فقال باسم، مرتضى منصور، علامة وهو المصارع الخلوق والأدب يعني مرتضي والأخلاق يعني مرتضي يارب سامحني على الكذب اللي بكذبه في البرنامج، بس أكيد إنت بتهزر، فقال مرتضى في فيديو لأ أخذت القرار ونازل، والسبب لأنا شايف أن بلادنا تضيع، ووصلت لمرحلة من الضياع والإنهيار الأخلاقي، فقال باسم، لقيت إن في إنهيار أخلاقي جاي تكمل عليه، بسمع إنك بتشتم ثم عرض له بعض من ألفاظه في عده فيديوهات وقلال له هذه عينة من الإنهدار الأخلاقي اللي مرتضى جاي يصلحه، ولما يجيي مرتضي هتترحموا على الأيام دي.
وقال له إحنا عملنا إعلان لحضرتك بيعبر عنك، مصر هي أمك ، لو عجبك الإعلان نحطه على سي دي ونديهولك، ثم عرض له فيديو متناقض جاء فيه بأنه لن يرشح نفسه فقال حقك كمواطن إنك تترشح، فرد في فيديو قائلاً لن أترشح شخصيتي لا تحتمل أن أكون رئيس جمهورية، وعرض له فيديوهات وهو ذو شخصية عصبية وأخرى وهو هاديء ثم قال باسم ده فيديو قديم لما كان عصبي، وحالياً أصبح هاديء، صراحة يامرتضى إحنا مخبين عليك إنت لا هديت ولا خسيت.
ثم وجه له رسالة جاء فيها أنا هقولك وصفة يامرتضى إطلع على مدينة الإنتاج هيفتحولك الباب قولهم عاوز أطلع في البرامج عشان أشتم باسم يوسف، هيطلعوك وإعمل حسابك علي بيات، وواصل قائلاً، بص يامرتضى الخمس دقايق دول هيخلوك تلف حوالين نفسك لحد السنة والجاية وإحنا مش هنرد عليك، ده تمامك .