بالفيديو.. "مجنون شيبة" وصاحب مقولة "أيام سودة" على التلفزيون المصري

استضاف التليفزيون المصري في برنامج على اسم مصر والذي يذاع على قناة المصرية ، سعيد بدير ، والذي اشتهر على مواقع التواصل الاجتماعي ب مجنون شيبة ، وصاحب الجملة الشهيرة علي الطلاق أسيادنا راضيين عليك ، ومعه سيد حجاج، صاحب مقولة أيام سودة .
وأوضح بدير أن مقولته عليا الطلاق أسيادنا راضيين عليك ، التي اشتهر بها في أحد الأفراح الشعبية، التي أحياها الفنان أحمد شيبة، تسببت في زيادة نصيبه من العزومات ، لدى أصحاب الأفراح الأخرى، وأضاف : بقيت أقول جمل تانية هي إحنا السد العاليط و إعدام للجواسيس ، ومابضايقش لما يقولوا إني مجنون أحمد شيبة
وأوضح أنه يعمل في مصنع و الشغل 100 مية ، مطالبًا ب شوية تغيير من البني آدمين، والناس لو خلصت لبعضها الدنيا هتبقى حلوة.. يعني الواحد يبقى نضيف من جوه .
أما حجاج صاحي الجملة الشهيرة ايام سودة فقال: الناس تعبت وعاوزين البلد تمشي ونفسنا تمشي ومفيش حد حاسس بينا خالص ، البلد فيها خير ومفيش حد بيحس بالناس الغلابة .
وأوضح حجاج أن وظيفته سمكري ويحمل رخصة أولى ، وقال : الشعب بيموت بعضه عشان منصب، والناس مش حاسة بينا ، مطالبًا وسائل الإعلام ب النزول على المستشفيات والناس التعبانة .
وقال حجاج : نفسنا تحسوا بالناس البسيطة.. شغلونا واعملوا لنا مصانع بدل ما الشباب يقعد على القهوة هيبقى فيه بلطجية كتير ، مبديًا غضبه من أن الإنسان المصري مابيتعاملش زي برة .
وتابع: عاوزين الحكومة تتعامل مع الناس باحترام.. أه في بلطجية لكن ماتاخدش الناس في قلب بعضها ، متمنيًا لمصر: يا رب تبقى بيضة وتحلو ، مشيرًا إلى أنه لا يشارك في أي نشاط سياسي لأنه لازما يبقى معايا شهادات، وأنا ماينفعش أمسك رئيس جمهورية .
وقال حجاج أنه سيرشح المشير عبدالفتاح السيسي، القائد العام للقوات المسلحة وزير الدفاع والإنتاج الحربي، حال خوضه سباق الانتخابات الرئاسية، وقال: ربنا يخليهولنا السيسي.. الراجل بيطلع يتكلم من غير ورقة وقلم، وبيتكلم من قلبه.. والشعب المصري كله وراه.. وهو اللي هيخليها حلوة زي جمال عبدالناصر.. والناس اللي ماسكة البلد ربنا يسترها عليها.. وإن شاء الله هتبقى أيام حلوة وبيضة على الشعب المصري .