الشاعر تامر حسين: عمرو دياب شخص لا يعرف المجاملات

أبدى الشاعر الغنائى والمطرب تامر حسين عن استيائه من بعض الاتهامات التى تعرض لها على صفحات مواقع التواصل الاجتماعي التى عاتبت عليه وجود 7 أغنيات دفعة واحدة له فى البوم الهضبة عمرو دياب ، قائلا لكل من هاجمه : عمرو دياب شخص لا يعرف المجاملات .
حيث كتب عبر صفحته الشخصية على الفيس بوك قائلا : عزيزى المستمع الناقد الناقم على كل شىء لظروف ما شخصية عندك لو رقم 7 بيضايقك تعالى على نفسك وأسمع الالبوم وهقبل نقدك بكل حب وصدر رحب بس اسمع الأول تواضع وادينا الفرصه ده عمرو دياب نفسه تواضع وسمعنى واقتنع وف الأول والأخر دى أذواق ، وعلى فكرة انا هوهو نفس الشخص اللى عمل وياه (أحسن أغنية ف افريقيا ) وعمل دراما (ماكنتش ناوى ) وعامل مقسوم (مقدرش انا ) وعايش معاك ، وعملت سلووو (يوم ما اتقابلنا ) أعتقد نجحوا كويس جدا غير أعمالى الكتير سواء كانت ل البلد أو ل مطربين زملاء ، ليك مطلق الحرية تقول رأيك ده حقك بس انا كمان (من حقى اقبل النقد) بعد ما تسمع موش قبل ما تسمع انا عارف ان وارد ناس تحبنى لله ف للله وتتمنالى الخير والطبيعى جدا العكس يحصل من ناس كرهانى ل مجرد انى بجتهد ودى فعلا حاجه عمرها ما حصلت ف البوم ل عمرو دياب ومسؤلية كبيرة جدا .
وتابع قائلا : أعتقد عمرو دياب شخص لا يعرف المجاملات تماما ف شغله وأسف ع الأطاله بس خليكى حيادى ف حكمك وقلبك أبيض .
يذكر أن تامر حسين كتب 7 أغنيات فى ألبوم عمرو دياب الجديد الليلة وهم : جرالي ايه؟ ألحان عمرو دياب، الليلة ألحان عمرو طنطاوي، عندي سؤال ألحان عمرو دياب، وهي زكريات ألحان عمرو دياب، خلينا لوحدنا ألحان أحمد حسين، حبيت يا قلبي ألحان أحمد حسين، فوق من اللى انت فيه ألحان إسلام ذكي.