هل الكبت الجنسي يبيح المحظورات والمحرمات ؟

السلام عليكم .. هية مش مشكلة قد ماهي إستشارة أو استفسار وارجو من السادة القراء يعينوني على الوصول إلى الإجابة المنطقية , عايزة حد قارئ للدين جيد يقول لي ليه زي ما ربنا وعد الراجل بحور عين في الجنة ما وعدش الست بنفس الشئ وخدوا بالكم المفروض ان اللي هيدخلوا الجنة كانوا في الدنيا من الصالحين بالإضافة الى وعد ربنا بإجابة اي طلب للإنسان الصالح ده في الجنة ؟
تاني حاجة : زواج ملك اليمين على حد علمي انه في حالة الحرب وما شبه ذلك والحكمة منه رفع الضغط الذي ينتج عن الحرمان برغم من وجود الرجل في حرب وهوة اصلا مش فاضي لمعاشرة زوجة .. طيب .... لو واحدة ست مش متجوزة وصادفت انها ما قابلتش الراجل المناسب ليصبح لها زوجا ومرت بيها السنين وقاومت كل مشاعر الإنسان الطبيعي في متطلباته الجنسية زي الصيام والصلاة وغيرها (ومحدش يتناسى الأمراض العضوية والنفسية اللي بتنتج عن ده ) وبرغم كدة مفيش فايدة وبرضه الست دي مش عايزة تعمل حاجة حرام , الحل ايه ؟ بس ياريت يكون رد منطقي , تالت حاجة : لما هية الأعمال بالنيات ولكل إمرء ما نوى وده قول لا تشكيك فيه .. طيب هل من خلال النية دي أعيش مع راجل بنية انه الحامي لي وبنية انه هوة اللي هيحقق لي الأمان كما هي شروط الزوج في الشرع المأكل والملبس والرعاية وغيرها واتحققت الشروط دي مع الإعلان لأحد الموثوق بهم بالرباط الذي بيننا .. كيف نحاسب على هذا مع مراعاة البنود الكثيرة التي تبيح المحظورات والمحرمات احيانا مثل أكل الخنزير كمثال او الحصان وغيرها من هذا القبيل ؟ الصراحة عندي اسئلة كتير من النوع ده وملقتش حد يرد علية ردود يقبلها القعل ... ارجوكم محدش يلومني على جهلي على الأقل انا بسأل بدل ما اعيش في حالة من الإرتباك وعلى فكرة موضوع عدم الزواج للست او الراجل ده اكيد الكتير بيمروا بيه واكيد عندهم نفس الأسئلة ونفس المشاعر ..... انا شايفة في الدين يسر لدرجة حافظت على متطلبات الرجال في حالة الحروب , طيب فين حق الست اللي ماتجوزتش والراجل اللي مش في حالة حرب لكن ما قابلش بنت الحلال ؟ محدش يقوللي صيام وصلاة عشان فعلا لم تنجح هذه الطرق مع احترامي وتبجيلي الكامل لأصول الدين ... كلامي ده مش استهزاء بيه والعياذ بالله لكنه حقيقة بنقلها وفعلا محتاجة حل ... وجزاكم جميعا كل الخير .