زوجة أم زانية ؟

السلام عليكم ورحمة الله
انا كنت متجوزة وتم الطلاق بعد خلافات كبيرة جداً لكن اثناء تخليص إجراءات الطلاق كان جوزي بيحاول يتودد لية تاني بس انا رفضت الرجوع وتم الطلاق فعلا ، وبعد ما تم بحوالي اربع ايام اقنعني أننا نقعد نتكلم بهدوء كان عنده امل في الرجوع ، المهم قابلته في بيتنا وما كنتش واخدة خوانة لان ده كان في يوم من الأيام بيتي وده جوزي .. وبعد ما رحت له قعدنا ندردش كتير وبدا يغازلني ويحاول يرجعلي إحساسي بيه القديم في اول جوازنا وانا بصراحة ضعفت لغاية ما وصل الموضوع إلى ممارسة علاقة جنسية ، بصراحة مش هكذب عليكي يا أستاذة انا حسيت انه واحشني جداً لكن في نفس الوقت حياتنا مستحيلة أنها تستمر او نرجع تاني .. المهم اليوم خلص ومشيت وفاتت ايام كتير وأكن ولا حاجة حصلت بيننا ولا حتى تلفونات وهوة كمان اختفى من حياتي وانا قررت أبدا حياة جديدة وأشوف شغلي وحالي .. وانا الأيام دي قابلت شاب عرفني وأعجب بية وبدا يلمح لي على انه عايز يرتبط بية وبصراحة انا حاسة انه شاب كويس وهوة عارف أني مطلقة ، لكن خطر في بالي حاجة مهمة وهو يوم ما عملت علاقة مع جوزي بعد طلاقنا .. هل ده يعتبر انه ردني على اعتبار اني في شهور العدة ولا لازم يكون الرد للعصمة بالإجراء او الإعلام منه وقبولي ؟؟؟ انا محتاجة اعرف علشان إذا هرتبط بالشاب اللي قلتلك عليه .. هل انا كده اعتبر لسة على ذمة طليقي ولا ده ملوش علاقة ؟ ولا الأفضل أخد راي شيخ في الموضوع ؟

فضفضة
محررة الصفحة .. نيفين حجازي
راي شيخ افضل .