ننشر شهادة الخبير الألماني في لقاء مرسي الذي "سخر" منه باسم يوسف "دونت ميكس"

نشر أحد النشطاء على الفيسبوك ويدعى يوسف رسالة على الفيسبوك وجهها للمصريين عن لقاء الرئيس محمد مرسي في ألمانيا ب "ميركل" والذي سخر منه باسم يوسف والإعلاميين والذي قال فيه كلمة "دونت ميكس" الشهيرة, جاعلا مقدمة الرسالة :"الاول فاكرين الصورة دى اللى الفلول عملوا عليها مشكله وقالو مرسى فضحنا والكلام ده طب اسمعوا بقى اللى حصل , ومبدئيا كده الناس اللى عندها حساسيه من اى حاجه ايجابيه ما تكملش قراءه الكلام ده"
مشيرا بهذه الجملة إلى الصورة التي ينظر فيها مرسي إلى ساعتها أثناء لقاءه ب"ميركل" بألمانيا .

ومايلي نص رسالته التي كتبها على الفيسبوك بشهادة الدكتور غازي الخبير الألماني :

"النهارده قابلت د غازى الخبير الالمانى اللي جاى يعمل حالات فى المركز الطبى العالمى وهو راجل ظريف جدا وجراح متميز فى جراحه المسالك وعايش فى المانيا من حوالى 33 سنه المهم بالصدفه كده حد صاحبى ييهزر معاه فبيقولو درينك ودرايف دونت ميكس فضحك وبعدين قال بس مرسى الصراحه انا فخور بيه جدا لما جيه المانيا ؟؟!!!
انا طبعا سألته لأ احكيلى بالراحه كده هو ايه الموضوع

بيقول فى اللقاء الاول مع ميركل (اللى راعبه جميع رؤساء العالم :) ) داخله فيه شمال وقاعده تقوله انت لازم تعتذر لليهود وصراحتك عن اليهود(تالت اكبر جاليه يهوديه فى العالم فى المانيا ) والديموقراطيه وكلام كده فبيقولى كانت طريقتها مستفزه وهى دايما بتتكلم بعنجهيه بس مش ظريف انها تكلم رئيس كده المهم مرسى وهى بتتكلم استفزها انه ولا معبرها وقاعد يبص فى ساعته ولا كأنها بتقول حاجه وبعدين لما جه يتكلم بهدوء جدا قال انا عارف ان المانيا دوله ديموقراطيه و لكن انت لم تدعموا الديموقراطيه فى مصر ولا تونس ولا ليبيا انتم دعمتم الانظمه القمعيه لأنها تحقق مصالحكم واجنداتكم وسياستكم ليست دعم الديموقراطيه ولكن دعم مصلحتكم ولكننا نحن صنعنا ديموقراطيتنا بدون دعمكم.

دغازى بيقول ان المؤتمر الصحفي كله مره واحده رفع راسه مش مصدق الكلام اللى بيقوله مرسى لميركل فى المانيا وهو كان فخور جدا بكلامه وبعدين بيقول انهم كانو مرتبين له لقاء مع مثقفين المان النخبه بتاعتهم وجايبنلو اسوأ مدير للجلسه محرر دير شبيجل اليهودى.

راح جايب الفيديو اللى مرسى بيقول الصهاينه مصاصين دماء وعرضه فى القاعه وقال لمرسى مش هتعتذر لليهود فمرسي بكل هدوء قال له انا رديت على السؤال ده 10 مرات من اول ما جيت ولكن هرد عليك لأخر مره لما الصهاينه ضربوا مدرسه بحر البقر ودماء مئات الاطفال اغرقت الارض طب تسمع عن دير ياسين طب اطفال غزه اللى بيموتو كل يوم تحت سمعكم وبصركم بدون حتى ان تشجبوا افعالهم, لو حد منكم عنده وصف تانى غير مصاصين دماء يقوله بيقولى القاعه كلها سكتت محدش عارف يرد حتى الصحفى ده وبعدين مرس قله قدامك سؤال واحد فى 5 دقائق عشان اقابل الجاليه المصرية.. د غازى بيتكلم بفخر قوى بيقول انا قلت لألألأ كفايه كده انا مش عايز اكتر من كده ...راجل :)"

كان هذا نص الرئاسة التي كتبها يوسف على الفيسبوك وجهها للمصريين لإظهار الجانب الإيجابي الذي لم يروه –على حد قوله-.