صلاح عبد الله للإخوان ومكتب الإرشاد: هوه مين قبل مين ؟

تعليقاً على الأحداث التى شهدتها مصر خلال الأيام الماضية ، كتب الفنان القدير صلاح عبد الله عبر صفحته الشخصية على "الفيس بوك" بعض الكلمات لجماعة الإخوان المسلمين ومكتب إرشادها ، والتى يعبر فيها عن إستياءه وغضبه مما يحدث .

حيث كتب يقول :" هوه مين فبل مين ؟!
يا أخوان يا مسلمين
التنظيم والجماعه
ولا كل المصريين

هوه مين فيهم ياعم
مين أولى ومين أهم
مصر اللى بتجري فى الدم
ولا السلطه بإسم الدين

هوه لمين يحيا الجهاد
مصلحة كل البلاد
ولا مكتب الإرشاد
ولا حماس والقسامين

هيا النهضه إيه مقصودها
وإيه أهدافها وإيه مردودها
ومين حيسوقها ومين حيقودها
وناوى يوصل بينا لفين

نفسى أقول للأخوان
يا إخوانى من زمااااان
وكلنا فى الوطن إخوان
مسلمين .. مسيحيين
وأى مله .. وأى دين
والمصحف محناش عايزين
غير نعيش مرتاحيييييييين
والصليب .. مش عايزيين
غير نعيش آمنيييييييييين
حد يسمعنى " آمييييين "
أمين يارب العالمييييييين"