الفيس بوك يعلق علي تصريحات العليمي : وذنبه ايه الحمار

قام عدد كبير من أصحاب الصفحات المشهورة على موقع التواصل الإجتماعى "فيس بوك" بنشر تصريح النائب زياد العليمى عن المشير طنطاوى خلال احدى المؤتمرات الجماهيرية ببورسعيد.
وتوالت ردود أفعال متباينة بين مستخدمى موقع "الفيس بوك " بين مؤيد ومعارض لهذا التصريح ومن بين التعليقات التى وردت على أغلب الصفحات قال أحمد محمد على صفحة أحنا عمرنا ما قلنا على الى فى التحرير خونة " لا ياعم الحمير تزعل".
وأضاف عصفور النار "زنبها ايه الحمير انا هارفع قضيه عليكم لسب وقذف الحمير"
ومن على شبكة رصد قال أحد الأعضاء "اية ياجدعان هوة فين الكلام دة اصلا مانا بتفرج على مجلس الشعب اهوة من ساعات ماشتغل مشفتش حاجة هية الناس دى بتشتغلكو ولا اية".
فيما تسأل أحد الشباب لماذا لا يحاسب مصطفى بكرى عن الإساءة للبرادعى"و ليه ما حولوش مصطفى بكري لما عيني عينك اتهم البرادعي بالعمالة؟ وما حدش قاله اعتذر. شئ مقرف بجد".
وأضاف عضوا أخر "مع احترامى للنائب زياد العليمى بس اللى عمله مينفعش ومش بعد ما قالها صراحة وغلط صراحة يطلع يعتذر مكنش حد غلب".
وأضاف أخر "أولا ما يقال خارج جلسة البرلمان لافى الاعلام لا يحاسب عليه العضو ولا يجوز لرئيس مجلس الشعب ان يحيله الى مكتب المجلس ليساله اى الكتاتنى ليس له الحق فى سؤاله حتى او مسالته وهذا الكلام تفضل به عضوا اخر دفعا عن زياد العليمى وانا اعتبره موقفا بطولى يا ريت تنشروه الكلام ده او تشيروه عشان الناس تفهم .
وأضاف اخر "النائب زياد العليمي انت لست ككل المصريين لان الشعب المصري شعب مهذب و يعرف العيب ".
كفاية ظلم للثوار ومن يقفون الى جانبهم عاوزين تخاكموا حاكموا من الف الامثال الشعبية""
"اولاهو مش زي كل المصريين هو نائب برلمان لازم ياخد باله من كلامه ثانيا عمر ما التعبير عن الرأي كان بالشتيمه بالعكس ده بقلل من حجته ثالثا هولازم المثل اللي فيه شتيمه هو اللي يستعين بيه ميختار اي مثل تاني رابعا مصطفي النجار من شباب الثوره و قال انه شايف انه مينفعش يشوه صوره شباب الثوره بانه يسب اي حد و انه شايف ان زياد العليمي المفروض يعتذر"