6 ابريل تبعث برسالة ل"مرسي"..وتطالب : مِد إيدك للبرادعي وصباحى وأبوالفتوح

بعث أحمد ماهر منسق حركة شباب 6 أبريل برسالة الى الدكتور محمد مرسي رئيس الجمهورية قائلا :"يا ريس مرسي.. مِد إيدك للدكتور البرادعي والأستاذ حمدين صباحي والدكتور عبد المنعم أبوالفتوح، ومعاهم الشخصيات المُخلصة الوطنية من كل إتجاة، واتحرك بجرأة وحرية، ولِم شمل البلد".

وتابع خلال صفحة الحركة اليوم الأربعاء :"يا ريس مرسي.. صارح الشعب بوضعنا الحقيقي واللي محتاجينه عشان بلدنا تقوم على حيلها، حتى لو الطريق صعب إحنا قابلين، بس عايزين شفافية، يا ريس مرسي.. رموز نظام مبارك واتباعهم في كل قطاعات الدولة مش مقبول إستمرارهم، لأ وبعضهم بيترقى كمان، ومش هنسمح إن حقوق شهداء الثورة والمصابين تروح هدر بلا عقاب" .

وأشار "يا ريس مرسي.. تحرر من قيودك وإتعامل كرئيس لكل المصريين في وقت، بُحسن إدراتك للأمور، هاتحط لنفسك مكانة في التاريخ، يا ريس مرسي.. دستور الثورة مفيش مجال إن الشعب يسكت لو ماعبرش عن روح الثورة ومبادئها العظيمة وأهدافها النبيلة، يا ريس مرسي.. خُد موقف من الإستقطاب والتشيع والتحزب اللي إتفشى في البلد" ، مختتماً "إحنا وراك طول ما أنت على مسار الثورة، ويوم ما تخرج عنه، هاتلاقينا أول ناس ضدك.. أعانك الله"