لو الموضوع هيمشي مجاملات.. أحمد سليمان يهدد بمنع انضمام لاعبي الزمالك للمنتخب

وجه أحمد سليمان، عضو مجلس إدارة الزمالك، رسالة غاضبة إلى الجهاز الفني لمنتخب مصر الأول لكرة القدم بشأن مشاركة لاعبي الزمالك مع منتخب مصر.
وقال أحمد سليمان خلال تصريحات تليفزيونية مع الإعلامي مهيب عبد الهادي: هو انت واخد لاعيبة الزمالك عشان تركنها علي الدكة وتلمع علي حسابها لاعيبة الأهلي الكلام ده مينفعش واحنا مش هنوافق عليه.
وتابع: لو الموضوع هيمشي بالمجاملات خلاص لعيبة الزمالك لازم نحافظ عليهم وهقدم طلب لمجلس الإدارة بمنع اللعيبة من الإنضمام للمنتخب.
وأثار أحمد سليمان، عضو مجلس إدارة الزمالك، الجدل بشأن عدم مشاركة محمد عواد حارس الأبيض مع منتخب مصر في لقاء بوتسونا.
وقال أحمد سليمان خلال تصريحات تليفزيونية مع الإعلامي مهيب عبد الهادي: "يعني ايه تاخد مني اللاعيبة بتاعتي في ماتشات أنت بتجرب فيها لاعيبة ومتلاعبش لاعيبتي !".
وتابع: "أنا هقدم طلب للجنة الكورة في النادي اننا ننظر في إرسال لاعيبتنا للمنتخب الوطني لو دي الطريقة اللي هيدار بيها المنتخب".
وأضاف: "حصلت قبل كده عصام الحضري اعتذر عن المنتخب سنة كاملة وكان بيلعب في الأهلي وإفريقيا وعادي وكان الأهلي موافق".
واختتم: "أنا كمان من حقي ابص لمصلحة لاعبي الزمالك.. مش هينفع اللاعيبة تروح المنتخب و ترجع نفسيتها تعبانة بسبب التمييز اللي حصل انا مش هسكت علي اللي حصل ده".