اقتلني بس مش هتلمسني| ننشر أقوال فتاة التجمع ضحية سائق أوبر

حددت محكمة الاستئناف جلسة 14 يوليو المقبل لمحاكمة المتهم سائق أوبر في واقعة فتاة مدينة نصر نبيلة عوض.
حيثيات الحكم على اليوتيوبر أكرم سلام ونجله لاتهامها بضرب سيدة بالمقطم.. خاص
النيابة العامة تفتح تحقيقات مع شركات السياحة المنظمة لرحلات الحج المخالفة وتستدعي مسئوليها
وجاءت أقوال فتاة التجمع الخامس المجني عليها أمام جهات التحقيق كالآتي:
س| متى وأين حدث ذلك؟

ج| الكلام ده حصل يوم السبت 11 / 5/ 2024 الساعة 9:49 مساء، دا الوقت اللي كلمت الرقم اللي هو بعته على برنامج uber ودا كان في التجمع الخامس في كمبوند azad. 

س| ما سبب مناسبة وجودك في الزمان والمكان سالفي الذكر؟

ج| أنا كنت عند أختي في البيت وخلتها تطلب رحلة على برنامج uber علشان كان عندي فرح في الشيخ زايد بأکتوبر. 

س| ما الذي حدث عقب ذلك؟

ج| وصلت رسالة لأختي سالي على البرنامج فأنا نزلت وركبت العربية الهيونداي اللي كانت واقفة، ودي المفروض العربية اللي كانت مستنية تحت. 

س| ما هي مواصفات تلك السيارة تحديدا؟
ج| هي كانت سيارة هيونداي ملاكي سوداء اللون.
س| ما أرقام تلك السيارة؟
ج| أنا مخدتش بالي.

س| هل تلك السيارة هي التي كانت خاصة بالرحلة على برنامج uber؟

ج| لا.
س| ما هي مواصفات تلك السيارة؟
ج| هي كانت سيارة هيونداي النترا سيلفر.
س| هل تلك السيارة التي كانت تنتظرك لإجراء الرحلة؟

ج | لا
س| ما هي السيارة اذا التي قمتِ باستقلالها؟
ج| هي السيارة هيونداي النترا سوداء اللون.
س| ما الذي دعاكِ إذًا لاستقلال تلك السيارة رغم أنها غير التي كانت على البرنامج ومخصصة للرحلة؟
ج| أنا مكنتش أعرف حاجة غير إن هي السيارة كانت نوعها هيونداي النترا ومكنتش أعرف لونها لأن أختي مكانتش قالت اللون ودي اللي كانت واقفة تحت البيت. 

س: ما الذي حدث عقب استقلالك لتلك السيارة؟
ج: هو أنا العربية مشيت وبعد ما طلعنا من الكمبوند السواق ركن قدام البوابة بشوية.
س: ما الذي دعا السائق للوقوف آنذاك؟
ج| هو نزل على أساس إنه بيجيب الرخصه بتاعته من الأمن على البوابة.
س: ما الذي حدث عقب ذلك؟
ج| هو بعد كده مشينا.
س| هل من ثمة حوار دار بينك وبين السائق؟
ج| أيوة أنا لقيته بيقولي ممكن تلغي الرحلة من على البرنامج وتحولي الفلوس على المحفظة فأنا رديت عليه بإن الرحلة من حساب أختي مش من حسابي فأنا مقدرش ألغيها. 

س| ما التصرف الذي بدر منك آنذاك؟

ج| أنا كلمت أختي علشان آخد رأيها لأني حسيت إنه هو مريض لأنه كان مركب سماعة في ودانه، وقعدت أتكلم مع أختي بالإنجليزي وقالتلي لا لأن ده خطر وانتي لو لغيتي الرحلة مش هتبقي في أمان ومش هنبقى عارفين خط السير بتاع الرحلة وبعدين أنا قولتله لو أنت متضايق أو في حاجة أو محتاج الفلوس كاش نزلني هنا لأن أنا مش معايا فلوس كاش.
س| ما التصرف الذي بدر من السائق آنذاك؟

ج| هو قال انا خلاص بدأت الرحله وبعد كده مشي في الطريق وانا معرفش الطرق فلقيته ركن العربية على جنب الطريق فانا كان في وداني سماعات التليفون المحمول بسمع قرآن. 

س| ما الذي حدث عقب وقوف السائق على جانب الطريق؟

ج| هو لما لقيته ركن العربية فشيلت سماعة من اللي كانت في وداني اشوف في ايه لقيته بيقولي انا ممكن انزل اجيب مياه من شنطة العربية علشان عطشان اشرب فقولتلوا ا
تفضل فنزل وفتح باب الشنطة.

س| ما الذي حدث عقب ذلك؟

ج| هو السائق اتاخر شوية فحسيت إن فيه حاجة غريبة بتحصل فقومت لميت الشنطة بتاعتي وبفتح باب العربية علشان أنزل وبعدين بدأت أنزل رجلي من العربية.


س| صفي لنا ذلك المكان؟

ج| أنا معرفش المكان ده فين غير لما الناس بعتوا لأختي لوكيشن.
س: ما التصرف الذي بدر من السائق عقب ذلك؟

ج| لقيته جه وماسك في إيده سلاح حاد. 

س| هل من ثمة حوار دار بينكم آنذاك؟

ج| أيوة هو لما جه لقيته بيقولي ده كتر ويقولي اهدي اهدي "ويزعق" علشان لو مش بطلتي صويت هقتلك. 

س| ما الذي بدر منك آنذاك؟

ج| أنا ساعتها قولتله اقتلني بس مش هتعمل معايا حاجة.
س| ما الذي دعاكِ لقول ذلك؟

ج| لأنه شد هدومي وكان عمال يمسكني من منطقة حساسة.
س| هل حاولتِ المقاومة آنذاك؟

ج| أنا ساعتها كنت بدافع عن نفسي وماسكة بإيدي السلاح اللي في إيده.