هل الخطيب كلمة السر؟| رد ناري من إبراهيم سعيد على شيكابالا.. ماذا قال؟

أكد إبراهيم سعيد، نجم الأهلي السابق، أن محمود الخطيب، رئيس النادي الأهلي، ليس له علاقة بعمله في قناة النهار.
الخطيب
ما علاقة الخطيب بعمل إبراهيم سعيد بقناة النهار؟
وقال إبراهيم سعيد، في تصريحات تلفزيونية عبر فضائية "النهار"؛ "في كلام بيتقال عن محمود الخطيب، إن أنا شغال في قناة النهار عن طريقه، أنا موجود في قناة النهار عن طريق إدارة محترمة ومسؤولين محترمين بيتعاملوا بشكل مميز".
وأضاف: "بعد تحسن علاقتي مع النادي الأهلي لم أتقابل مع محمود الخطيب، سوى مرة واحدة وكانت في عزاء شقيقته هذه هي المرة الوحيدة اللي أنا قابلته فيها".
الخطيب وابراهيم سعيد
وتابع: "أنا موجود في قناة النهار مش قناة النادي الأهلي، بيتقال إن محمود الخطيب وجمال جبر، مدير المركز الإعلامي بالنادي الأهلي، مشغلين إبراهيم سعيد، والله العظيم الناس دي مالهاش علاقة بتواجدي في قناة النهار".
أبل تعلن موعد الإطلاق العالمي لنظارتها للواقع الافتراضي Apple Vision Pro
البنك المركزي: 5.3 تريليون جنيه قروض البنوك في نهاية 2023
وتابع: "النادي الأهلي مش محتاج إبراهيم سعيد، خالص فهو عنده قاعدة إعلامية وقاعدة جماهيرية كبيرة جدا يقدروا يتكلموا على السوشيال ميديا أو من خلال الموقع الرسمي".
وواصل: "أنا عمري ما حد يقولي تطلع تتكلم في إيه ولا تقول إيه أنا مسؤول عن كل حاجة بتكلم فيها أنا دايمًا بتكلم من وجهة نظري، أنا لا أشكك في ذمم حد ولا بغلط في حد، مهما كان اسم أي حد في المجال الرياضي هتكلم عليه دي وجهة نظري الشخصية".
إبراهيم سعيد يشن هجومًا عنيفًا على شيكابالا
شن إبراهيم سعيد، مدافع الأهلي ومنتخب مصر السابق، هجوما عنيفا على محمود عبدالرازق شيكابالا، نجم الفريق الكروي الأول بنادي الزمالك، مؤكدا أنه ليس من أساطير الزمالك، ولا يجب أن يقول عن نفسه إنه زملكاوي صميم.
وقال إبراهيم سعيد، في تصريحات تليفزيونية: "يا كابتن شيكابالا فيه زملكاوي جدا زملكاوي صميم يهرب من نادي الزمالك يطلع على اليونان وبعد كده ترجع تعمل رغبة كتابية وفيه لقاء تليفزيوني بتقول فيه إن رغبتك هى اللعب في الأهلي ومضيت في الأهلي وخدت فلوس كمان؟!!".
شيكابالا
وتابع إبراهيم سعيد: "طيب أقول لك حاجة، والله العظيم أنا عرفتك وأنا بلعب كورة عن طريق النادي الأهلي، وممكن يا هروبة أعد لك أنت هربت كام مرة من الزمالك، وكنت بتتصل بالمهندس عدلي القيعي وتتحايل عليه عشان تروح الأهلي، عشان ماتهزرش زي ما قولت في التليفزيون أنت لقيت نفسك مش قادر تروح وقولت هلعب إزاي في الأهلي ومش عارف إيه، فأنت اللي طلبت من الأهلي إنه يضمك عشان الأهلي يدفع لك الفلوس ويخلص موضوع باوك".
وأوضح إبراهيم سعيد: "وبعدين لما أنت تسيب الأهلي فأنت اللي خسران، أنت بقالك 22 سنة بتلعب مخدتش دوري الأبطال ولا هتشوفها، وبعدين أنت عملت مشاكل مع كل المدربين اللي اشتغلت معاهم، بدءًا من الأسطورة الزملكاوي الصح الكابتن حسن شحاتة".
وأضاف إبراهيم سعيد: "وبعدين والله العظيم الوقت إللي إحنا كنا بنلعب فيه أنت كشيكابالا ولا تقعد احتياطي أصلا ولا تتمرن معانا أساسا في منتخب مصر، تقعد في المدرجات وتتفرج علينا وتتعلم كورة، مستواك ماينفعش تلعب معانا".