فيفي عبده تهاجم محمد عبده بسبب شيرين عبد الوهاب

تعرضت الفنانة فيفي عبده لهجوم من متابعيها بعد تصريحاتها المسيئة عن محمد عبدة ، مما مسح الفيديو وانكارة.
وكتبت فيفي عبده عبر حسابها بموقع انستجرام: أولا فنان العرب الكبير محمد عبده من الناس اللي بحبهم وبحترمهم جدا ولو نشرت فيديو لأغنية عاجبتني ل شيرين عبد الوهاب ف أكيد أنا مقرأتش الكلام المكتوب عليها وأنا عملت لها شير من التيك توك لمجرد أن الأغنية عجبتني فقط لا غير.

وأضافت فيفي عبده: لو كنت قرأت الكلام مكنتش نزلتها ولما بنتي شافت الاستوري شالتها فورا ودا عيب إني مكملتش دراستي ومقرتش الكلام، الله يخرب بيت اللي كتبها وطبعا أنا بكن كل الحب والتقدير للفنان الكبير محمد عبده.

و علي الجانب الآخر يذكر أن كشف المنتج أحمد الزواوي، تفاصيل خلافه مع الفنانة فيفي عبده منذ عام 2017، متهمًا إياها بالنصب عليه في 10 آلاف دولار، مؤكدًا أنه لجأ للسحر والدجل حتى يسترجع حقه منها، وأن ما تمر به فيفي عبده من وعكة صحة حالية وخلال السنوات الماضية كانت بسبب السحر الذي أعده لها.

وقال أحمد الزواوي، خلال حواره مع الإعلامية مروة صبري، في برنامجها "قعدة ستات" المذاع عبر شاشة قناة "القاهرة اليوم": والله العظيم اللي فيفي فيه بسببي، أنا طلبت حقي بالقانون وبالأصول، وأذيتها زي ما هي أذتني، ولو طولت أموتها هموتها إيه المشكلة؟ مش هي أذتني؟ لو افترضنا أن النص مليون جنيه في 2017، كان كل ما أملك أو تحويشة العمر، وضاع مني يبقى مش مستقبلي ضاع؟ يعني هي تضيع مستقبلي وأنا مأذيهاش؟.


وتابع: في الناس بتقتل أنا مقتلتش، أنا بتعامل بالقانون الإلهي، الجزاء من جنس العمل، وعجزتها زي ما عجزتني، والنهاردة في أجزاء في جسمها مبتتحركش، بكرة في أجزاء بتتحرك هتقف.

وأضاف: فيفي عبده محدش هيحس باللي فيها إلا هي، وهي عارفة جالها إزاي.. يعني هي تروح تتكرم في لبنان وهي واكلة حق الناس؟ أنا أسيبها برضو تتكرم؟ ده عدل ربنا بيقول كده؟ يعني الشكل اللي بتديه للناس وهي واكلة الناس؟ لترد عليه الإعلامية مروة صبري قائلة: عدل ربنا مقالش إننا نأذي بعض، وليه محاولتش تتواصل معاها بطريقة تانية؟، يعني أنت من 2017 معرفتش تكلمها في التليفون؟.