بعد الفاتحة.. طلب فيديوهاتي العارية وشاهدنا مقاطع له مع فتيات ليل

أحال المحامي العام الأول لنيابات شمال الجيزة سيدة تبلغ من العمر 38 عاما ربة منزل إلى محكمة الجنايات لاتهامها بتهديد صديقتها بنشر صور فاضحة وخادشة للحياء لها على مواقع التواصل الإجتماعي واستمعت جهات التحقيق إلى أقوال المجني عليها
نص أقوال المجني عليها :
س/ ما طبيعة تلك الصور التي تم نشرها على تطبيق الفيس بوك؟
ج/ صور خاصة بي أنا و بناتي و ابني وصور أخرى تجمع عائلتي مدون عليها کلام مسئ و شتايم و صور ليا مفبركة و مركبة في أوضاع مخلة بالشرف و صور ليا وانا مرتدية ملابس البيت ترينجات
س/ وما هي وسيلة نشر تلك الصور سالفة البيان؟
ج/ تم نشر هذه الصور على جروبات على الفيس بوك وهي جروب فيصل و جروب الهرم و جروب المهندسين و الدقي وحدائق الاهرام و جروب نادي الزمالك وجروب بين السرايات اللي أنا مقيمة فيها و جروبات أخرى
س / کيف اتصل علمك بواقعة نشر تلك الصور سالفة البيان؟
ج/ اختي كلمتني و قالتلي فيه واحدة كانت صاحبتي قالتلها أن صورك منشورة على الجروبات على الفيس بوك على الجروبات اللي مشتركين فيها الحقي شوفي في ايه
س و ما علاقتك بتلك السيدة التي أبلغت شقيقتك ؟
ج/ صداقة من الطفولة و بقالي حوالي عشر سنين معرفش عنها حاجة و في صلة جيرة علشان بيت والدتها في بين السرايات و كمان كانت صديقتي من زمان في
المدرسة و كنا نتردد على بعض احنا و بنات صغيرين و بنزور بعض
س / ما حالتك الاجتماعية قبل حدوث تلك الواقعة؟
ج/ أنا كنت متزوجة من شخص و انفصلت و تم الطلاق رسميا في نهاية عام 2021
س/ إلى أي مدى تطورت وتعمقت العلاقة بينك وبين الشخص المصري الذي يعمل في الكويت؟
ج/ احنا اتعرفنا على بعض أكتر و كنا تقريبا بنتواصل بصفة يومية و كل واحد فينا كان بيحكي يومه للتاني و هو قالي على بعض تفاصيله قالي أنه من أسيوط و انه
قاعد في الكويت و مش عايز ينزل مصر تاني و أنه عايز ينزل يتجوز و يسافر مرة تاني على الكويت و طلب مني انه يخطبني و يتجوزني و قرينا الفاتحة بعض و بدانا نتفق مع بعض على أسلوب الجواز وبعد لما تفقنا اننا نتجوز طلب مني ابعتله صوري على الواتساب فكنت ببعتله أثناء تواجدي بالمنزل و لابسة كامل ملابسي ترينجات و لما كانت عائلتي موجودة ونخرج كنت بتصور معاهم و ابعتله وبعتله صور طليقي و صور بناتي و لكن بدأ يطلب مني أتصور وانا في وضع عاريه و أوضاع مش كويسة لا تليق بي كأنثى فرفضت ميصحش وقولتله لو عايز تتجوزني لازم تنزل مصر و تقابل اهلي و اخواتي و تتعرف علينا فرفض و قالي انا هتكلف كتير لو نزلت انا هعمل لجوز أختي توكيل و اتجوزك بناء عليه و تيجي عندي الكويت تعيشي انتي و أولادك و هتلاقي فلوس كتير و عيشة مريحة بس أنا برضو رفضت وبعد فترة بدأ يبعتلي فيديوهات جنسية و إباحية على الواتساب على الرقم الخاص بي فانقطعت عن التواصل معه لفترة و قمت بتغيير رقم هاتفي و قمت بحجبه من على الفيس بوك حتى لا يتمكن من التواصل معي إلا انني فوجئت بعد فترة انه أرسل لي فيديو يظهره في وضع مخل يشبه الدعارة و بيقولي أني لو متجوزتهوش عنده كتير غيرك و بدأ يهددني و يقولي لو رفضيتني ومتجوزناش هوقف حالك انتي و أولادك و مش هخلي حد يقرب منك وأنا خوفت من تهديداته و اضطريت اغير رقمي وكان بيرن من أرقام كويتية تكلمني تعاكسني
جاء بأمر الإحالة أن المتهمة هددت المجني عليها كتابة بإفشاء ونسبة أمور مخدشة بشرفها، وذلك بنشر صور شخصية للمجني عليها وهي في أوضاع مخلة بالحياء، وكان التهديد مصحوباً بطلب وهو أن تدفع مبلغاً مالياً نظير توقفها عن نشر تلك الصور.