جيل جديد.. معلق رياضي يكشف أسباب نجاح مشروع الزمالك تحت قيادة فيريرا

أكد المعلق الرياضي الشهير أحمد الطيب أن مشروع نادي الزمالك تحت قيادة البرتغالى جوسفالدو فيريرا المدير الفني للقلعة البيضاء يتم بمنتهي الحرفية والإتقان.
قال أحمد الطيب عبر الصفحة الشخصية بموقع التواصل الاجتماعي فيسبوك:
من أجمل ما قرأت وهو ده اللى المفروض الاعلام الرياضى المكتوب يكون عليه و نقلاً عن تاكتيك زملكاوى (Zamalek tactics )( الله عليكم تسلم إيديكم ) مساء الخير.. بعد اعلان 8 صفقات "اسكواد الزمالك" اصبح فيه ميزتين مش هتلاقيهم في اي نادي..!
برونو سافيو مهدد بعدم المشاركة مع الأهلي في الدوري.. تفاصيل
بوبو ليس الأول.. مرتضى منصور رئيس الزمالك يتوعد والأهلي يقتنص النجوم
تابع: مشروع الزمالك بيتم بمنتهي الحرفية والاتقان من قبل مدير مشروع بدرجة "بروفيسيور" علي الرغم من تحقيق الزمالك لبطولتين (الدوري ، الكاس) الا أن مش ده الهدف الحقيقي من التعاقد مع البروف
الهدف الحقيقي هو بناء مشروع وجيل جديد قادر علي المنافسة لسنوات وأول طوبه في المشروع ده اتحطت في الميركاتو الحالي لبناء اسكواد قوي لتحقيق الهدف .
معدل أعمار لاعبي الزمالك

أضاف : اسكواد الزمالك بيتم بنائه من فيريرا فيه بعض ميزتين بيدلو علي حرفية وعبقرية الراجل ده
1_ النزول بمعدل الاعمار في الزمالك وده شيئ مهم جدا بيخلي مشروعك طويل الأمد ومستمر لفتره لا تقل عن 5 سنوات اغلب الأدوات الموجودة في الاسكواد اعمارها دون ال 25
استطرد: وكمان بيمثلو نسبه لا تقل عن 70 ٪ من الهيكل الاساسي لفريق الزمالك :
(محمد صبحي، الزناري، فتوح، نيمار، امام عاشور، زكريا الوردي، سيف جعفر، ابراهيما نداي، سامسون، يوسف اسامه، حسام اشرف، محمد طارق)
حتي خريطة الصفقات في الزمالك كانت بتراعي النقطة دي جدا ان مشروعك طويل الأمد
"الزناري" .. 23 سنه
"نداي". .. 24 سنه
"زكريا الوردي" ...23 سنه
"سامسون". .. 22 سنه
" دونجا" .. 26 سنه
"صبحي" .. 23 سنه
بالإضافة لاهم اتنين من عناصر الهيكل الأساسي لفريق الزمالك زيزو، الونش" اعمارهم 26 و 27 علي الترتيب
أزمة ملهاش لازمة .. تفاصيل واقعة الأرقام فى معسكر منتخب مصر
أزمة رقم واحد .. لبس موحد لحراس منتخب مصر بفرمان من فيتوريا
2_ الميزه الأهم في اسكواد الزمالك الحالي انه بيحوي علي اكثر من لاعب بصفة "الجوكر" لعيبه في بتقدر تلعب وتجيد في اكتر من مركز وده بيدي مرونه تكتيكيه كبيره للمدرب وعمق اكبر للاسكواد للخروج من اي ازمات او غيابات وبيقدم حلول فنيه كبيره اثناء سير المباريات "زكريا الوردي" .. بيقدر يلعب في مركزين في الوسط "دفند، ارتكاز مساند" (6،8)
"ابراهيما نداي" .. بيقدر يلعب في 3 مراكز في خط الهجوم "جناح ايمن ، جناح ايسر ، مهاجم صريح"
"سيد نيمار" ..(جناح ايسر، ووينج باك رايت)
"امام عاشور" ..(ارتكاز مساند، باك رايت، جناح ايسر)
"عمر جابر" ..(باك رايت، ارتكاز مساند بوكس تو بوكس)
"حمزه المثلوثي" ..(باك رايت، سنتر باك تالت)
"زيزو" ..(جناح ايمن، جناح ايسر)
"يوسف اسامه" ..(مهاجم صريح، جناح ايسر)
وقال ايضا: الزمالك بيشتغل بمنتهي الاحترافية في مشروعه وبشكل منظم ومدروس وفعلا الإدارة قادره تستغل إمكانيات وقدرات وخبرات "فيريرا" والاجمل بقي هو استغلال الجهاز الفني بشكل تدريجي ومرحلي مؤكد ان سنوات "فيريرا" التدريبية معدودة فلازم يتم اعداد "روي اغواش" ومن بعده "اسامه نبيه" لاستكمال مشروعنا
ونوه قائلا: لكن دايما في نظره تشاؤميه عندي ودايما بسأل نفسي سؤال:
مين يقدر يهدم المشروع ده ويرجعنا لمرحلة الصفر وسنوات عجاف..؟ احنا اللي نقدر بأيدينا نهد المشروع ده مش حد تاني بكثرة الخلافات وكثرة النقد والهجوم علي المنظومة كلها مدرب او لاعب او اداره
وقال ايضا: المشروع ده يتهد بتصيد المواقف والاخطاء واثارة المشاكل والأزمات بدل الدعم والمساندة والوقوف خلف المشروع ماهو استحاله المنافس هيقدر يدخل بنفسه ويوقعك ويهدم مشروعك ويفضح نفسه لأ هو هيحاول يتبع أساليب معتادة إضافة الى استخدام الاعلام في اللعب علي معنويات اللعيبه ومحاولة اثارة المشاكل والفتن بين الجمهور والإدارة وترويج بعض الشائعات التي من شأنها اثارت الفوضي والمشاكل
واختتم حديثه قائلا: ارجوكم يا جماعه الزمالك شغال بشكل كويس وعندنا مشروع وبنبني جيل يقدر يوقفنا علي رجلينا 5 او 6 سنين جاية وكل سنه بأمر الله المستوي هيتحسن عن اللي قبلها يا ريت نحافظ علي ده وما نتصيدش لبعض المواقف والاخطاء وندخل نفسنا في مشاكل وازمات بدون داعي.