هبة قطب: المرأة لو حست إنها ملكة هتعمل كل حاجة بحب.. فيديو

قالت الدكتورة هبة قطب استشاري الصحة الجنسية والعلاقات الزوجية، إن تصريحاتها تم فهمها بشكل خاطئ على مواقع التواصل الاجتماعي، وأنها ليست ضد الخدمة، بل ضد إجبار المرأة ب اعملي كذا، وهاتي كذا.
وتابعت قطب خلال حواره ببرنامج "الحكاية" مع الإعلامي عمرو أديب، والمذاع عبر قناة "ام بي سي مصر": "مينفعش يكون دور المرأة إجباري، الست تعمل كل اللي عايزاه في بيتها، بس مش من باب أنها لازم تعمل وإلا، لأن الطريقة ديه هي اللي بتخرب البيوت وبتزود الفجوة بين الأزواج، ولو المرأة حست أنها مش خدامة، بل ملكة، هتعمل كل حاجة بحب".
وأكملت:" أنا لا أدعو الست إنها لا تعمل في المنزل أو تطبخ أنا شخصيا بطبخ وبعمل كل حاجة في بيتي، ولكن يكون كل شيء بالحب وليس الإلزام.