نصيحة أزعجت سيدات مصر.. ماذا قالت شيرين غالب لطالبات طب الأزهر بأسيوط|فيديو

شيرين غالب .. بضع كلمات خرجت بشكل ارتجالي قالتها الدكتورة شيرين غالب نقيب أطباء القاهرة ومسؤول اللجنة التنفيذية للصحة والسكان في المجلس القومي للمرأة - خلال حضورها حفل تخرج طالبات طب الأزهر بأسيوط - جعلتها تتعرض لهجوم شديد، وتتصدر مؤشرات البحث على مواقع التواصل الاجتماعي، فماذا حدث؟.
نصيحة شيرين غالب لطبيبات الأزهر
أمسكت الدكتورة شيرين غالب ب"المايك"، هامسة في أذن الطالبات وموجهة نصيحة لهن، "لم تكن تعلم حينها وهي تقول ما قالته، أنه سيلقى صدى واسع لا يعلم متى سينتهي، خاصة إن فئة ليست بالقليلة هاجمت غالب على نصيحتها ومن بين هؤلاء المحامية نهاد أبو القمصان الحقوقية الشهيرة، عضو المجلس القومي لحقوق الإنسان.
وقالت شيرين غالب: "كلمة بس للطبيبات الجمال اللي متخرجين النهاردة، أنتٍ بيتك ثم بيتك، أولادك وبعدين مهنتك، أوعي حد يقول لك مهنتك قبل ولادك، أوعي، حضرتك لو قعدتي في بيتك في مليون طبيب بره هيعالج، لكن لو سبتي ولادك مالهمش غير أم واحدة هو أنتِ".
وتابعت "غالب" - خلال كلمتها، التي ما إن فرغت منها حتى لاقت تصفيقا حارا - بحسب تصريحات لاحقة لها": "أنا في بداية حياتي سيبت كلينيكال وزوجي مقلش لي سيبي، لأني لقيت إن ولادي متبهدلين، ولقيت إنه بيحصل لهم مشاكل بسببي، فاخترت تخصصا لا أبات فيه برا البيت، فلما تيجي تختاري التخصص، حاولي تختاري التخصص اللي يناسبك، أو يناسب وضع بيتك وحطي في مخك برضه بيتك الأول".
أنهت شيرين غالب كلماتها وغادرت القاعة وسط ترحيب حار من الطالبات، لكن لم يتوقف رد الفعل هناك، حيث "مكان حفل التخرج"، بل طافت كلماتها صفحات السوشيال ميديا جاعلة من نقيب أطباء القاهرة محل انتقاد واسع، خاصة من الفيمينيست"، اللااتي يرون أن "المرأة من حقها العمل وتحقيق ذاتها قبل كل شيء".
انتقاد نسائي لتصريحات شيرين غالب
وقالت المحامية نهاد أبو القمصان: "سؤالي للدكتورة شرين غالب نقيب أطباء القاهرة وعضو المجلس القومي للمرأة اللي قالت في حفل تخرج طبيبات اختاري بيتك أولا وكأن في تعارض بين النجاح الأسري والنجاح المهني، أومال حضرتك وصلتي نقيب أطباء القاهرة إزاي؟، وعضو المجلس القومي للمرأة إزاي؟".
بيتك ثم مهنتك.. دكتورة بجامعة أسيوط توجه رسالة مؤثرة لخريجات طب الأزهر| فيديو
كلية طب بنات الأزهر بالقاهرة تكرم أسر شهداء الجيش الأبيض
وأضافت "أبو القمصان"، عبر منشور على حسابها الرسمي بفيسبوك: "دا معناه إن عندك طموح مهني وسياسي كمان مكتفتش بالعمل المهني فقط اشتغلتى 4 حاجات: أم، طبيبة، عضو نقابة، عضو مجلس المرأة، إزاي نجحتي في الأربعة؟، ووفقتي بين أسرتك وعملك المهني وطموحك السياسي؟".
وتابعت: "مع تقديري لشخصك، دا كلام ينفع يتقال في تخرج إعدادية نسوية مش طبيبات متفوقات درسوا 7 سنين ويعرفوا ينظموا حياتهم الخاصة والمهنية، كمان كنت أتمنى تقولي للطبيبات إزاي يديروا وقتهم بأفضل شكل علشان يوصلوا للي حضرتك وصلتي له، مش رسالة سلبية، وكأن العمل المهني يتعارض مع الأسرة ونهدر ثروة بشرية لأفضل وأذكى البنات، وإحنا بلد عندها عجز أطباء أصلا".
ولفتت: "كنت أتمنى أن عملك النقابي مع مجلس المرأة يخلينا نشوف إبداعات في سياسات وإجراءات تسهل حياة الطبيبات وآليات حماية لهن، وتسهيل فرص تدريب أفضل ومناسبة لمسؤولياتهم الاجتماعية تمكنهم من التفوق في الاثنين".
رد نهاد أبو القمصان
مطالب فورية بإبعادها عن مناصبها
وتواصلت الانتقادات وردود الفعل الرافضة لتصريحات الدكتورة شيرين غالب، وقالت هالة عبد المقصود من رواد السوشيال ميديا: "مساء الخير يا دكتورة شيرين غالب في كذا حاجة بس عايزاة اقول حضرتك عليها".
وتابعت عبد المقصود في منشور على حسابها الرسمي بفيسبوك: "هو مين أصلا حط فكرة المقارنة في دماغ حضرتك، يعني جات لك منين الفكرة النيرة دي، مفيش أي تعارض إطلاقا أن أي ست تشتغل وتربي ولادها، بدليل أن حضرتك عملتي كده وما شاء الله يعني بقيت منصب، نقيب أطباء القاهرة".
وأردفت: "حضرتك ما شاء الله برده اخدتي كل الفرص اللي في الدنيا، ليه مش شايفاك أن البنات اللي ربنا وفقهم بمجموع كبير في ثانوية عامة، وبذلوا مجهود جبار في سبع سنين طب، فحت وردم، يقدروا ياخدوا نفس الفرص ويقدروا يوفقوا بين شغلهم وبين بيتهم؟".
سقطات مبروك عطية بحق سيدات مصر ..من الزيجات الحرام إلى لبس القُفة
نهاد أبو القمصان: منتقدو بسنت حميدة مرضى ولجان الكترونية تبتز والدتها.. فيديو
وتابعت: "بصراحة يا دكتورة أنا لو مسؤولة في وزارة الصحةً مش نسمح لحضرتك إنك تتولي أي منصب إداري أساسا، ولو من أعضاء النقابة هشيل حضرتك من منصبك أساسا؛ لأنه واضح أن حضرتك مغيبة شوية مش واخدة بالك إننا في أزمة كورونا وإحنا في أمس الحاجة لكل حد في القطاع الطبي اللي لولاه كنا روحنا في الوبا كلنا، يعني مفيش مليون طبيب غيرها ولا حاجة يشيل مكانها؛ لأنه ببساطة كتير منهم هرب بره البلد بسبب عقليات زي حضرتك كده".
هالة عبد المقصود