إسلام إبراهيم يهاجم والد المطرب النقاش: إحنا مش بنخلف العيال علشان نستعبدهم

هاجم الفنان إسلام إبراهيم ؛ والد أحمد سالم ؛المطرب النقاش وذلك عبر صفحته على موقع التواصل الاجتماعي فيسضبوك.
وكتب إسلام إبراهيم :" انا عارف ان الكلام اللي هقوله ده ممكن ميعجبش ناس كتير بس انا شايف الترند ده من زاوية تانية خالص ".
برفقة 8 حسناوات.. أحدث ظهور ل حسام حبيب بعد انفصاله عن شيرين
أعمالي كلها هادفة.. رد صادم من نادية الجندي عن المشاهد الجنسية بأفلامها
وأضاف إسلام إبراهيم:" فكرة انك ربنا يرزقك بشابين زي دول ينطبق عليهم كلمة شباب زي الورد لانهم ربنا كارمهم بالوسامة والموهبة والصوت الحلو وعندهم المؤهلات انهم يكونوا نجوم ومتحاولش تساعدهم انهم يحققوا حلمهم او يعملوا الحاجة اللي بيحبوها وتفرض عليهم قيود ومسؤليات مش بتاعتهم زي ان هما يجهزوا اخواتهم البنات اللي اكبر منهم حضرتك البنات دول انت اللي خلفتهم مش هما ".

وتابع إسلام إبراهيم :" والحياة دي حياتك انت مش حياتهم هما وتفرض عليهم يكونوا نقاشين وده مش تقليلا من مهنة النقاش اكيد هي مهنة محترمة وشريفة لكن اي حد مش موهوب يقدر يشتغلها لكن مش اي حد عنده الموهبة والصوت ده ".
اختتم إسلام إبراهيم :" خلاصة الكلام احنا مش بنخلف العيال عشان نستعبدهم احنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة واي ابن بيفتح بقه او يعترض على حاجة مش عاجباه بيبقي ابن عاق كمان الولاد امانة هتتسئل عليها قدام ربنا".
المطرب النقاش ورامي جمال
كشف أحمد سالم، المطرب النقاش، أنه من مركز زفتى محافظة الغربية، وعمره 32 عامًا، ويعمل في النقاشة منذ 10 سنوات تقريبًا، حيث ورث المهنة عن والده.
وقال "سالم"، خلال مداخلة هاتفية ببرنامج "مصر تستطيع"، الذي يقدمه الإعلامي أحمد فايق على قناة "dmc"، إن الديكور بالنسبة إليه فن ويتميز به، حيث يغني أثناء عمله، وتم تداول فيديو له عبر "فيس بوك" وهذا فضل من الله تعالى عليه لأنه يغني منذ 8 سنوات، والفيديو المتداول على "يوتيوب" قديم وعلى المنصة من سنة ونصف تقريبًا.
وقدم "سالم" الشكر للفنان رامي جمال، على اهتمامه، مشيرا إلى أنهما يجهزان لعمل مشترك في الفترة المقبلة.
كما أكد أنه يغني كنوع من الهواية لأنه غير دارس للموسيقى أو المقامات.
وقدم "المطرب النقاش"، شكره إلى عمرو حسن، على تعبه معه، لأنه كان بعد الله تعالى، سببًا في انتشار الفيديو وتداوله على نطاق واسع خلال الفترة الأخيرة.
يذكر أن المطرب رامي جمال وعد بمقابلة النقاش المطرب اليوم لدراسة سبل التعاون بينهما خلال الفترة المقبلة.
IMG-20220821-WA0003 IMG-20220821-WA0002 IMG-20220821-WA0001