كشفت الفنانة شيرين عبد الوهاب عن تفاصيل علاقتها بزوجها الفنان حسام حبيب من خلال مكالمة هاتفية عبر برنامج "كلمة أخيرة" مع الإعلامية لميس الحديدى . وقالت الفنانة شيرين عبد الوهاب :"حسبي الله ونعم الوكيل في كل إنسان معاه ست مخلصة ويعمل فيها كده، منهم لله الرجالة دي، إحنا ستات، ده النبي وصاهم بالقوارير، ربنا كرمنا ورحمنا، عشان خاطر الرجالة ييجوا يعملوا فينا كده؟، أي إنسان مش هيعرفنا قيمة نفسنا هنفوقه، وأنا جديرة وانتي عارفة أنك قوية وأقدر أعمل كده، أنا اتظلمت والله، ظلمت نفسي جدا, والنبي كل اللي بيحبوني يحسبنوا عليه، إن شاء الله مش هيعدي عليه الأسبوع ده". هاجم عدد كبير من رواد مواقع التواصل الاجتماعى الفنانة شيرين عبد الوهاب ، بعد سخريتها من الموسيقار الراحل حسن أبو السعود أثناء مداخلها الهاتفية خلال برنامج "كلمة أخيرة" مع الإعلامية لميس الحديدى ، والتى كشفت من خلالها عن تفاصيل أزمتها مع زوجها الفنان حسام حبيب . وعلق عدد كبير من راود موقع التدوينات القصيرة تويتر على سخرية الفنانة شيرين عبد الوهاب من الراحل حسن أبو السعود ، ونستعرض أبرز التعليقات فى السطور التالية .. الله يرحمه حسن أبو السعود كتير أوى أوى إنه يتبهدل كده بس ده المتوقع وحسن ابو السعود أصلا موسيقى underrated وأظن كان نقيبا سابقا للموسيقيين أتمنى يغضبوا على الهرتلة و قلة الادب. شيرين عبد الوهاب: ياسمين عبد العزيز قالتلى نفسى أديكى بالقلم أفوقك مقابل مليون جنيه.. شيرين عبدالوهاب توكل محامياً في جنحة ضد حسام حبيب|فيديو تعليق أسرة حسن أبو السعود على تصريحات شيرين عبد الوهاب علّقت أسرة الموسيقار الراحل حسن أبو السعود على سخرية الفنانة شيرين عبد الوهاب من الفنان الراحل خلال مداخلتها الهاتفية عبر برنامج "كلمة أخيرة". وقالت أسرة الفنان حسن أبو السعود: "في ميزان الإنسانية إيه قيمة الموهبة إذا اقترنت بالإساءة والأذى؟، التنمر والسخرية من الناس عيب.. بس العار الحقيقي التنمر والسخرية من شخص ميت ومش حقول شخص واكلين معاه عيش وملح وله فضل علينا". وأضافوا: "قليل الأصل ممكن يتناسى وينكر ده عادي - لأن الإساءة لشخص ميت مستوى أكثر انحداراً من الشر والدناءة، وقت الحساب.. المُسيء هيقول لربنا إيه.. هيقوله لأ متحاسبنيش إني بتريق على ميت وبجرحه وبجرح محبيه وأسرته، أصل أنا موهوب أو مشهور أو غني؟ لأ متحاسبنيش أصل أنا أحسن فنان في الكون؟؟". وتابعوا: "للأسف المسيء في ابتلاء شديد، مش فاهم إنه عمال يحفر ويوسع في الحفرة لنفسه.. للأسف الشر زايد وقلة الأصل زايدة وقلة الأدب مسكوت عنها، وكمان الأفاقين ماسكين راية دفاع مستديم عن الظلم والإيذاء". واختتموا: "ميزان وبيتملي.. ربنا يجعل وجع قلبي ودعائي الليلة دي وليالي قبلها بسبب الإساءة المتكررة والحقد الظاهر في الطاقة والكلام من نصيب أي وكل مُسيء، كلمة أخيرة.. حسن أبو السعود الله يرحمه شكلاً كان قمر وشخصيةً كان دمه سكر وطيب وكريم ومتواضع ومثقف وبيتكلم 3 لغات أجنبية بطلاقة ولبق وذوق.. فمش ممكن حتكوني شبهه في يوم من الأيام".
