بعد الكبير أوي.. حسين أبو حجاج: مش هشتغل غير مع أحمد مكي

تحدث حسين أبو حجاج عن دوره في مسلسل الكبير أوي، قائلاً :"أنا جالي شغل مع أستاذ أكرم حسني وأنا شغال مع أستاذ مكي ورفضته، أنا قولتلهم الكبير ده استثناء، ومش هشتغل غير مع مكي".
وأضاف حسين أبو حجاج أثناء استضافته في برنامج "مصر جديدة" على قناة "أي تي سي"، قائلاً : " إحنا بقالنا 6 سنين بنشتغل مع بعض، بقينا أسرة ومقدرش استغنى عن حد فينا".
وتابع " أستاذ مكي برغم نجوميته ، إلا أنه مش عامل نفسه نجم على الناس إللي موجوده معاه، كل حاجة فيه حلوه، أخلاق وثقافة وعلم ".
وأوضح حسين أو حجاج سبب استمرار عمله ب "الورشة ، قائلاً:" الورشة بالنسبالي مكان الناس فيه بتاكل عيش، أقفلها ليه؟... وبعدين لو أنت فنان ومعندكش مشروع يسندك ولا ليها لازمة ، وأنا أعرف فنانين كتير مش لاقيه تاكل".
وأكمل "المحل بتاعي موجود أمام قصر ثقافي في بلادنا، و كان في مخرج ،جاي يصور فوازير في القناة السابعة، وشافني قالي أنا عايزك تعمل معايا خمس حلقات في الفوازير".