حب عمري.. حمو بيكا يشارك جمهوره بصورة مع زوجته | شاهد

نشر مطرب المهرجانات حمو بيكا عدة صور له مع زوجته من أمام الطائرة، وذلك عبر حسابه الشخصي بموقع انستجرام.

وعلق حمو بيكا "حب عمرى".

ووجه مطرب المهرجانات حمو بيكا، رسالة ل هاني شاكر نقيب المهن الموسيقية، وذلك عبر حسابه الشخصى بموقع التواصل الاجتماعي "إنستجرام ".

وكتب حمو بيكا: "يا جماعة ياريت نفهم إن أنا موجوع وتعبان ، كفاية تنمر عليا، اتنمر عليا مرة و اتنين و تلاتة و لسه فيه ناس بتتنمر عليا.. بتتنمروا عليا لحساب مين؟!.. أنا بني آدم زي زيكم والله".

وتابع: "الأستاذ هاني حضرتك كنت في ندوة واتنمر عليا وإنت أخويا الكبير وأنا مسامح والله بس كفاية بالله عليك، أنا أه مش بعرف أقرأ وأكتب بس ربنا خلقلي قلب أحس بيه، كفاية تجرحوني ، مش كل واحد يبقى عنده سلطة يتحكم في البشر؟!".
وأشار إلى "أنا 5 سنين بعاني وبعافر بس هما شايفين إن إحنا مبسوطين وفرحانين ، لا أنتوا اللي مبسوطين وإنتوا اللي معاكم ومعاكم كتيييير وعندكم كتيييير بس عمرنا ما بصينالكم.. هو ليه لما يكون معايا حاجه حد يبصلي فيها و عايز يأخدها ؟! ده غير مرضي اللي بدفعله في الشهر كتير أوي..".

وأكمل بيكا: "حسوا بيا ، لو غلطت في حاجه تعالي و حاسبني و علمني الصح من الغلط .. فاتح بيت و عندي أسرة و عندي مسؤوليات كتير محدش يعلم بيها إلا ربنا ،، ارجوكم كفاية ".
واختتم: "ياريت تحكموا بينا بالعدل زي ما ربنا سبحانه و تعالى بيقول : " وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ.. و كفاية تنمر عليا و افتكروا كلام ربنا :" يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ " .. و في النهاية شكراً لكل حد بيدعمني و بيحبني ".