الناس شايفانا حشرات؟|حمو بيكا ل هاني شاكر: إحنا بشر وتعبنا ..فيديو

انفعل مطرب المهرجانات حمو بيكا، على الهواء وذلك بعد سؤال :" لو صدر قرار بمنعك من الغناء فى الخارج"، ليرد قائلا "حسبي الله".
وأضاف المطرب حمو بيكا، خلال حواره ببرنامج "حبر سري"، مع الإعلامية اسما إبراهيم، على قناة القاهرة والناس، أن أى حد بيمنع لقمة عيشي برفع إيدي للسماء وبحسبن عليه.
وأشار إلى أن :" هى الناس شايفه اننا حشرات، ولا ايه، أنا بحس أن البعض بيعاملنى كأنى حشرة".
ووجه كلمة لنقيب المهن الموسيقية هاني شاكر، قائلا :" أنا بحبك .. بس إحنا بشر، و ياريت يعتبرنا أولاده.. احنا تعبنا".


كشف مطرب المهرجانات حمو بيكا، تفاصيل مرضه الذى دار حول تكاليف علاجه الكثير من الجدل خلال الفترة الماضية، قائلا: "المرض بتاعي مناعي بمعنى أن الجهاز المناعي المفروض بيهاجم أي بكتيريا ضارة والجهاز المناعي جاله خلل وبالتالي بيهاجم أي حاجة فى أجهزة جسمي وساعات برجع دم".
وأضاف المطرب حمو بيكا، أنه يعاني من المرض والتعب حينما يحدث خلل بجهازه المناعي، متابعا: "بيحصل لي مشاكل في معدتي كبيرة وبأخذ ابره اللي هي بتعلم تهدئة لجهازي المناعي وعلاجه الإبرة فقط أول مرة اخدتها كان ب120 ألف، وكل شهرين المفروض بأخذ ابره تمنها 20 ألف".
وتابع: "لما جت جائحة كورونا خفت أخذ الحقنة عشان مش هيبقى فى مناعة في جسمي، والمرض ده جالي بعد الشهرة وممنوع أكل حاجات كتير وعايش على المكرونة وشوربة الخضار ولسان العصفور والميه نفسها مش بشربها، والناس اللي بتتريق عليا وعلى بطني ده أصلا مرض ودلوقتي مش معايا اخد الإبرة".