بعد 60 يومًا من الألم.. إبراهيم عبد المجيد يعود للقاهرة

عاد الكاتب الكبير إبراهيم عبد المجيد، إلى القاهرة من جديد، بعد رحلة علاج في سويسرا، استمرت قرابة ال60 يومًا.

وقال عبد المجيد عبر صفحته الشخصية فيس بوك: "صباح الامل من القاهرة.. انا رجعت بعد ستين يوم من الالام .. الحمد لله .. قدامي لسة رحلة علاج تانية للبروستاتا والامها اللي داهمتني هناك اكتر من مرة رغم الادوية اللي باخدها، ماكانش ممكن عمليات تانية بسرعة كدا .. ولما روحت مستشفي تانية غير اللي انا فيها اعطوني نفس الدواء اللي باستعمله من سنين في مصر . كان لازم ارجع وادبر حالي مع البروستاتا في مصر واحافظ علي عمليات الظهر اللي محتاجة ست شهور نقاهة . يعني راحة علي الاقل . الفيس لما قفل كان غصب عني . مش عارف كنت باعمل ايه ونسيت الباس وورد وحبيت اعمل غيرها قفلته من الربكة .. الحمد لله وصلت الفجر وزياد ابني كان مستيني في البيت رجعه لي . باعتذر لكل من راسلني اني لم استطع الرد عليه . صباح الامل".
وكان الكاتب إبراهيم عبد المجيد كشف عن أنه خضع لتدخل جراحي، ووصل الأمر لإجراء أكثر من عملية جراحية في العمود الفقري، وتابع: بعد كل عملية يكتشفوا كسر في فقرة تانية في العمود الفقري، أول عملية 13 ساعة وكانوا فرحانين بالنتيجة، وبعد يومين اكتشفوا كسر في فقرة تحت الفقرات التلاتة اللي عملوا ليهم دعامات.
وإبراهيم عبد المجيد من مواليد 2 ديسمبر عام 1946، في مدينة الإسكندرية، حصل على ليسانس الفلسفة من كلية الآداب بجامعة الإسكندرية في عام 1973، وبعدها اتجه إلى القاهرة من أجل العمل في وزارة الثقافة والتي تولى فيها عبر السنين العديد من المناصب.

أصدر إبراهيم عبدالمجيد العديد من الروايات منها: "البلدة الأخرى، لا أحد ينام في الإسكندرية، بيت الياسمين، طيور العنبر، الإسكندرية في غيمة، والعابرة، في كل أسبوع يوم جمعة"، وغيرها.

حصل الروائي على عدد كبير من الجوائز داخل وخارج مصر منها جائزة نجيب محفوظ للرواية من الجامعة الأمريكية بالقاهرة عن "البلدة الأخرى" عام 1996، وجائزة معرض القاهرة الدولي للكتاب لأحسن رواية عن "لا أحد ينام في الإسكندرية" عام 1996، كما حصل على جائزة الدولة للتفوق في الآداب من المجلس الأعلى للثقافة عام 2004، وجائزة الدولة التقديرية في الآداب من المجلس الأعلى للثقافة عام 2007.