صفوت غطاس: مسلسل ناجي عطا الله الأعلى تكلفة في مصر

كشف المنتج صفوت الغطاس، قائلاً: " أنا يوم ماروحت أمضي مسلسل فرقة ناجي عطالله مع الزعيم عادل إمام ، الناس كلها استغربت، وكان أعلى أجر بياخدوا أيامها نور الشريف ويحيى الفخراني كان 8 مليون جنيه ، أنا مضيت مع الزعيم ب 30 مليون جنيه ، فالناس كلها استغربت".

وأوضح " الغطاس" خلال لقائه ببرنامج " صباح الورد " المذاع على قناة " تن "، قائلاً: أنا عارف بعمل إيه، أنا بعد ما اتعاقدت على مسلسل " فرقة ناجي عطالله " سافرت وجبت تكلفة المسلسل قبل ما أصور ، فالنجم بيجبلك فلوسه وزيادة في العمل الفني".

وتابع المنتج، عن عمل مسلسل الرجل الآخر بطولة نور الشريف و كان أول ظهور للفنانة حلا شيحة ، وكان من ضمن الأدوار كان يوجد دور مرشح له الفنان رامز جلال ، و طلب مني 10000 الاف جنيه ، قائلاً: " شوية وجالي تليفون من سميرة أحمد وبتقولي اديلو ال 10000 جنيه، وقولتلو أنا بايع المسلسل بنور الشريف وميرفت أمين ومضيتلو العقد.

وتابع قائلاً: " أانا عندي نظام إن كل يوم الصبح لازم يجيلي الحوافز بتاعت المصروفات اللي حصلت قبلها بيوم عشان أراجعها، فبراجعها لقيت في 100 جنيه قيمة مفرش وكانو بيصورو في كازينو فندهت لمدير الانتاج قولتلو انتو مش دافعين ايجار للكازينو اللي بتصورو فيه قالي اه.. قولتلو الكازينو مفيهوش مفارش قالي لا في بس رامز جلال مكنش حافظ المشهد فهو قاعد كتب الحوار على المفرش فالمفرش باظ فقولتلهم اخصموهم من عليه.

و في سياق آخر ، قال المنتج صفوت الغطاس، إن عند عمله فيلم البرئ كانت تربطه علاقة شغل وصداقة قوية جداً بالفنانة سميرة أحمد ، ولك في هذا الوقت لم نكن متزوجين، مضيفاً أن لعمل فيلم البرئ تم أخذ 26 تصريح لأن له علاقة بالجيش والمعتقلات والبوليس .

وأضاف أن سيناريو فيلم البرئ كان مجهل للزمن بتاعه ولا يعبر عن حقبة زمنية معينة ، قائلاً: " عملنا الفيلم و خادنا اذن الرقابة عليه و كل حاجة و فوجئنا أن الجيش كان طالب يتفرج على الفيلم فا عرضنا لبفيلم عندهم قالو لا في خطأ في اللازياء و طلبو التعديل".

وتابع قائلاً:" إن الجيش اعترض ايضاً على الدور بتاع محمود عبد العزيز اللي كان طالع ظابط فيه والفيلم وقف، كان وقتها الدكتور أحمد هيكل وزير الثقافة ، وسميرة أحمد كلمتوا فكلم المشير أبو غزالة ، وقال ابعتو الفيلم يتعرض في التوجيه المعنوي ، ولما اتفرجو عليه قالو لا الفيلم مايتعرضش يعني ، و مكنش في حل تاني غير إن المشير يشوف الفيلم بنفسه وأنا روحت بليل شيلت نهاية الفيلم لاعتراض اللجنة العليا للرقابة عليها".