من سجون كينيا.. استغاثة إلى محمد صلاح لإنقاذ مواطن مصري

تداول نشطاء على موقع التواصل الإجتماعي فيس بوك، رسالة من شاب ،لإنقاذ مواطن مصري متواجد في سجون كينيا.
وجاءت رسالة الشاب كالتالي:" رسالة من مصري مقيم في كينيا، فيه هنا مجموعة شباب مصريين كتير، و زي ما الناس كلها عارفة الشغل في الدول الأفريقية بائع متجول".
وتابع:" من 4 شهور تقريبا شاب من محافظة الفيوم اسمه محمد عبد الجليل عبد السلام موسى، الشرطة الكينية أخذته بتهمة البيع بدون ورق"
ووصل:" قمنا بتوكيل محامي، لكن كل مرة يخترعوا حاجة جديدة، وحتى الآن الراجل ده مسجون و منعرفش عنه أي حاجة، وأقسم بالله يعتبر خسر كل فلوسه في القضية دي، وحاولنا بجميع الطرق مفيش فايدة".
واستطرد:" ساعدونا إن الرسالة دي توصل للكابتن محمد صلاح، لو أتدخل والله هيساعده وهيطلع".
واختتم:" الراجل ده.محبوس بس علشان هو مغترب و عايزين منه فلوس و خلاص...بالله عليكم اعتبروه اخوكم وساعدوه علشان هو ممكن يموت اقسم بالله".
يذكر أن منتخب مصر تأهل إلى كأس الأمم الأفريقية، أمس، الخميس، بعد التعادل مع منتخب كينيا 1 - 1، في المباراة التي جمعتهما على ملعب نيايو ناشيونا، ضمن منافسات الجولة الخامسة من التصفيات.