نصائح للحد من خطورة الذروة الثانية ل كورونا

أصدرت إدارة التثقيف الصحى التابع لمديرية الشئون الصحية بدمياط ،بيانا لتوعية المواطنين من خطورة ذروة الموجه الثانية لفيروس كورونا المستجد.
وجاء في البيان أن أرقام الإصابات الحادة في ازدياد يوم بعد يوم والوفيات تزيد، وأن هناك العديد من الإجراءات يجب اتباعها للحد من الإصابة وانتشار الفيروس بين المواطنين بصورة كبيرة.
وأوضح البيان بعض الإجراءات للوقاية من فيروس كورونا المستجد خاصة مع بدء الذروة الثانية للفيروس وهى :
1 ) ارتدي كمامة طبية بجودة عالية....
2 ) بلاش اماكن مقفولة زحمة ولو لازم خليك بالماسك.....
3 ) المس كل حاجة بايدك الشمال وخلي اليمين دايمًا نظيفة وجوا جيبك عشان تلمس وشك والماسك عند الضرورة.....
4 ) لو حد مد ايده يسلم متسلمش انت كده بتحافظ عليه (لو اضطريت او نسيت يبقى خلي ايدك اليمين هي اللي بتلمس كل حاجة في نقطة 3)....
5 ) البس الماسك في الاماكن المفتوحة الكام شهر دول لأن الملتزمين عددهم قليل للاسف.
6 ) الشتاء هيخلي بقاء الفيروس عالسطح لمدة طويلة... متلمسش اي سطح الا بعد تنظيفه وتطهيره.
7 ) بلاش تجمعات لاكتر من 6 افراد حتى في مكان مفتوح قدر الإمكان. طبعا مش محتاجين تعرفو رأيي في الافراح والعزا.
8 ) لو لازم تركب مواصلات زحمة لازم ماسك طبي جيد وايدك لو لمست اي حاجة تتغسل 30 ثانية قبل ما تلمس وشك.
9 ) احمي عيلتك بانك تخش البيت من غير ما تسلم او تلمس حد لحد ما تاخد دش....
10 ) متتكسفش انك ملتزم الناس الغير ملتزمة هم اللي لازم يتكسفوا....
11 ) لبس الماسك طبي احسن من لبس ماسك اكسجين في عناية مركزه - معلش نستحمل الكام شهر دول.
الجدير بالذكر ،أن انه ايضا سبق وان وجهت ادارة التثقيف الصحى عدة نصائح هامة متمثلة في الاتى .
1 ) التحاليل السليمة لا تلغي الاشتباه ..
2 ) عمل أشعة مقطعية على الصدر بعد ظهور الاعراض بأربع أيام ، مش قبل كدا ..
3 ) فقدان حاسة الشم و التذوق من الاعراض الأساسية القوية للكورونا ..
4 ) اعراض كتيرة للفيروس زى ضيق تنفس ، قئ ، اسهال ، سخونة ، وجع فى الصدر ، الخ..
5 ) المسحة الأولى لو سلبية قد تكون غير دقيقة ، يجب مسحتين بفرق توقيت 48 ساعة..
هناك نقطة مهمة يجب توضيحها لأن أعداد كورونا في تتزايد هذه الأيام....
1 ) لو ظهرت الأعراض ولم يمر سوى 24 ساعة بلاش تتسرع وتعمل تحاليل معملية ولو الأعراض أقل من 3 أيام بلاش تعمل أشعة مقطعية ع الصدر لأنه مش هيبان حاجة
2 )مش معنى انك مش عندك سخونة يبقا مش عندك كورونا انت ممكن ميكونش عندك أى أعراض بس مصاب والسبب جهاز مناعتك قوى ولاعيبة الكورة وغيرهم أوضح مثال
(Mild asymptomatic cases)
3 )فقدان حاسة الشم والتذوق تعتبر كورونا حتى يثبت العكس وإن كان مفيش عكس أصلا
4 ) ألم شديد فى صدرك مصاحب لضيق تنفس ، تحرك بسرعة لأقرب طبيب متخصص
( Covid with pulmonary embolism )
5 ) سخونة وإسهال ومغص شديد ف بطنك تحرك بسرعة لأقرب طبيب متخصص
( Covid with mesenteric vessels ischaemia )
6 )التحاليل المعملية بتقصر طريق التشخيص وتساعدنا على بداية العلاج لكن لا تجزم باستبعاد المرض ..
7 )مش معنى اني عملت أشعة مقطعية على الصدر وطلعت سليمه يبقا معناه أنه مش عندى كورونا ، جايز لسة موصلتش الرئتين ..
Normal CT chest does not rule out extra pulmonary Covid.
8 )لو عملت مسحة وكانت إيجابي ببقا انت كدا عندك كورونا قولا واحدا (highly specific test ).
انما لو عملت وكانت المسحة سلبي فجايز يكون في احتمالية إصابة والمسحة متعملتش صح .
( false negative result)
9 )قرار خروجك من العزل والتعامل مع الناس يعتمد على الأعراض مش على سلبية المسحة 10 ايام من بداية الأعراض بشرط آخر 3 ايام بدون سخونية
PCR test doesn't differentiate between dead and alive virus
10 ) بلاش نعطي بروتوكولات علاجية واحدة لأى مريض . بلاش نعطي مضادات إلتهابات (steroids ) في بداية المرض ومفيش داعي نعطي مضادات الفيروس ( antiviral) في نهاية أو بعد فترة طويلة من الإصابة ..
مضادات التجلط( anticoagulants ) لازم نعطيها بشروطها وبجرعاتها
Prophylactic dose if D Dimer between 500- 1000
therapeutic dose if D Dimer 1000
11 )أى مريض فوق ال 60 و يعانى من ضغط وسكر أو بياخد جرعات علاج كيماوي أو عيان عنده فشل كلوي ..... الحالات دى كلها الأفضل إنها تتعزل في المستشفى مش في البيت
(High risk groups )
12 ) الإجراءات الإحترازية وكافة طرق الوقاية من لبس الكمامة الطبية والتباعد الإجتماعى وتعقيم الأيدى وتجنب الأماكن المزدحمة هو الحل الوحيد اللي هيخلينا نتخطى المرحلة دي إن شاء الله.
أقرأأيضا:
منتشر في الأسواق.. تحذيرات من سمك سام يهدد حياة المواطنين