كنا في مدرسة واحدة.. محمود العسيلي يحكي عن صداقته بتامر حسني بعد اشتراكهم في أغنية "اختراع"

علق الفنان محمود العسيلي، على اختياره من قبل تامر حسني لمشاركته في غناء أغنية "اختراع" من البوم تامر الجديد.
ونشر محمود العسيلي صورة لبوستر الأغنية وعلق عليها قائلا "هحكي قصة محدش يعرفها خالص، حتى تامر مكانش مجمع إن الشخص دا انا لحد ما فكرته ومات مالضحك كنا في مدرسة واحدة أنا وتامر وأنا كنت في سنة خامسة ابتدائي وتامر كان التلميذ اللي مسؤول عن عروض حفلات التخرج".
وأضاف "كان هيغني ويعمل عرض استعراضي كبير وجابوله 4 أصوات عشان يختار منهم حد يغني معاه بس كنا بنغني انجليزي واخترني انا عشان تشارك في العرض وكنت فرحان اوي، الفكره من الموقف أن تامر نفس الشخص ونفس القلب اللي قابلته من أيام المدرسة لحد دلوقتي".
وتابع العسيلي" عايز أقوله إني أنا برضه فرحان نفس الفرحة ومتشرف باختيارك ليا لمشاركتك الأغنية العسل دي وإحنا كبار و محققين احلامنا بالمناسبه انت بجد مخرج جامد يا تيمو يارب الأغنيه تعجبكم. #إختراع ".
صديق العمر.. تامر حسني يوجه رسالة ل محمود العسيلي بعد تعاونهما في غناء "اختراع"
وكان آخر أعمال محمود العسيلي أغنية "جنة تكفينا"، من كلمات يمنى العسيلي، ومن ألحان محمود العسيلي، وتوزيع أمير هداية، وحققت الأغنية نصف مليون مشاهدة بعد طرحها بساعات على موقع الفيديوهات الشهير "يوتيوب".