ل أبلة فاهيتا.. شاهد | مشهد لا مؤاخذة المحذوف من الفيلم

كشف المخرج عمرو سلامة، عن مشهد محذوف من فيلم "لا مؤاخذة" الذي أخرجه، وكان عن الدمية "أبلة فاهيتا".
وعلق عمرو سلامة، عبر فيديو نشره على صفحته بموقع التواصل الاجتماعى "فيسبوك"، "ده كان مشهد محذوف من فيلم "لامؤاخذة"، مشهد كنت بحبه جدا، لكن في كل المشاهدات في المونتاج، كنت كل ما بفرج الناس على الفيلم كانوا يا إما بيستغربوا المشهد جدا أو مش بيفهموه، واعتقد انها كانت نكتة معقدة برا ستايل الفيلم".
وأضاف عمرو سلامة، "النكتة كانت ان في كل المسلسلات في الأفلام بعد موت احد الشخصيات لازم المخرج يقطع على قرآن وعزا وبالذات آية "يا أيتها النفس المطمئنة"، وبما إن الشخصيات في الفيلم مسيحية فلما بيحصل كده بيخرج الراوي ويعتذر ويقول إن ده من فيلم ثاني، محاولة غير مضحكة تقريبا للتريقة على الكليشيه، ونقطع بعدها على عزاء في كنيسة وبما إني كنت من المعجبين وقتها بأبلة فاهيتا وكان نفسي احطها في الفيلم في اي حاجة، فطلبتها كضيفة شرف وحطيتها في المشهد ده فبقت نكتة فوق نكتة".
وتابع عمرو سلامة "وكان قرار صعب اني اقتل طفلي -كما يقول المصطلح الأجنبي - واشيل المشهد خاصة أني كنت اخترت لبسا جميلا للأبلة وخايف تزعل ولكني استغل الفرصة هنا بعد مرور ست سنين علشان اشكرها واعتذرلها ثاني انها جت وعملت المشهد وأنا اضطريت أشيله".