أوصت دار الإفتاء المصرية، اليوم الأحد، قائلة: اليوم يوافق 28 رمضان، فلا تنسوا إخراج زكاة الفطر. وأوضحت «الإفتاء» عبر صفحتها الرسمية بموقع التواصل الاجتماعي فيسبوك، الطريقة التي تحسب بها مقدار زكاة الفطر، بهذا النص: «اعرف دار الإفتاء المصرية حسبت قيمة زكاة الفطر ازاى بطريقة سهلة وبسيطة وميسرة ولغة عامية أيضا سهلة وبسيطة.. حسبناها على القمح اللى بيتعمل منه العيش اللى كل الناس فى مصر بتاكله لأن بيوت كتير مش بتاكل لا رز ولا تمر ولا زبيب» . وتابعت: « طيب سعر أردب القمح كام 655 جنيها.. والأردب فيه 150 كيلو، يبقى سعر الكيلو كام 4.40 أربعه جنيه وأربعين قرش، طيب والزكاة أد ايه 2.6 كيلو، يبقى نضرب 2.6 كيلو × 4.40 ، يطلع الناتج 11.44جنيه، ودار الإفتاء قالت إنه 13 جنيها، يعني كمان مزودين عن السعر بشويه بحيث اختلاف الأسعار في الأردب». وأضافت: «ان 13 جنيها الحد الأدنى يعني طلع أكتر من 13 جنيها لو معاك ودخلك يسمح لك، بس اللى مش هيقدر فأقل حاجه يطلعها عن الفرد 13 جنيها، وتخرج قبل صلاة العيد، ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر».
