أوضحت دار الإفتاء عبر صفحتها الرسمية كيفية حساب قيمة زكاة الفطر والمقدرة ب 13 جنيها كحد أدنى عن الفرد الواحد، وذلك بطريقة سهلة وبسيطة وميسرة ولغة عامية أيضا سهلة وبسيطة حتى يفهمها الجميع. وقالت الإفتاء: "حسبناها على القمح اللى بيتعمل منه العيش اللى كل الناس فى مصر بتاكله لأن بيوت كتير مش بتاكل لا رز ولا تمر ولا زبيب طيب سعر إردب القمح كام 655 جنيها والإردب فيه 150 كيلو، يبقى سعر الكيلو كام 4.40 أربعة جنيه وأربعين قرشا طيب والزكاة أد ايه 2.6 كيلو يبقى نضرب 2.6 كيلو * 4.40 يطلع الناتج 11.44 ودار الإفتاء قالت إنه 13 جنيها يعني كمان مزودين عن السعر بشوية بحيث اختلاف الأسعار في الإردب و 13 جنيها الحد الأدنى يعني طلع أكتر من 13 جنيها لو معاك ودخلك يسمح لك، بس اللى مش هيقدر فأقل حاجة يطلعها عن الفرد 13 جنيها، وتخرج قبل صلاة العيد ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر". وأضافت الإفتاء يأثم تاركها وتبقى دينًا في رقبته، ولها وقت يجب أداؤها قبل أداء صلاة العيد، ويحرم تأخيرها عنه إلا لعذر. كما أنها لا تسقط بعد خروج وقتها ، لأنها حق واجب للفقراء في ذمته، فلا يسقط عنه إلا بالأداء. ويجب على من أخر زكاة الفطر لبعد غروب أول أيام عيد الفطر أن يخرجها ويستغفر الله ويتوب إليه.
