قال الإعلامي شريف مدكور، إنه يتلقي انتقادات كثيرة من الرجال والنساء علي حد سواء. وأضاف "مدكور"، خلال استضافته فى برنامج "كلام ستات"، المُذاع عبر فضائية "أون إي"،: «أنا أتلقى شتيمة وسب وقذف، ومفيش عندي أي مشكلة في إن حد ينتقدني، وبحس إني بأخذ ثواب». وأشار: «بأخذ ثواب من الشتيمة علشان أنا في الغالب مش هردها، وفيه رجالة كتير بتتفرج عليا وبيتكسفوا يقولوا، علشان شايفين إن البرنامج للمرأة، مع إنه برنامج عائلي». وتابع: «فيه ناس بتشوف إن لبسي غريب، مع إني مش شايف دا، و80% من هدومي مصري، والهدوم اللي بطلع بيها في البرنامج كلها صناعة مصرية»، مضيفا: «إللي بينتقدني نفسه يطلع برة الصندوق زي أنا ما طلعت، ونفسهم يكتشفوا ذاتهم زي ما أنا قدرت، ومش قادرين يعملوا دا علشان خايفين من المجتمع».