صرخة مواطن: ابني الرضيع محتاج عملية قبل حدوث شلل كامل له.. صور

استغاث حسين منصور حامد، أحد مواطني الشاطبية مركز نجع حمادي، بوزيرة الصحة لعلاج نجله الذي لا يتعدى عمره شهر، وذلك عن طريق خدمة شكاوى موقع "صدى البلد".
وقال "حسين"، في رسالته: "أنا أرزقي على باب الله باليومية ومراتي لسه مخلفة ابني محمد من أسبوع، وسبحان الله محمد اتولد في فتحة في ظهره زي جرح كده وراسه كبيرة زيادة عن اللزوم ووجهه مسود، بعد كشف الدكاترة والإشاعات تبيّن أن الطفل عنده مايه زيادة على المخ والمايه دي بتنزل من فتحة الضهر، وابنى عنده مشكلة في العمود الفقري ممكن تؤدي لشلل كامل طول حياته، محمد لازم يعمل عملية صمام على المخ ولازم فتحة الظهر دي تتطهر صح وتتعالج عشان المضاعفات، وإحنا كنا محجوزين بيه في المستشفى الجامعي بأسيوط بس خرجونا ومن يومين وقالوا معندهمش علاج ليه ومفيش أمل والكلام ده، إحنا حاولونا نتواصل مع مستشفى أبو الريش بس رفضوا إن ابنى يدخل لأن معندهمش مكان".
واستغاث بوزيرة الصحة لمساعدته على العلاج لعدم قدرته على تحمل تكلفته، وناشد من يرغب بمساعدته التواصل معه على رقم 01069115161.
ويقدم موقع "صدى البلد" الإخباري، خدمة لاستقبال شكاوى القراء والعمل على حلها مع المسئولين من خلال الخط الساخن 5731 أو من خلال رقم الواتس آب 01025555056.