قال الرئيس عبد الفتاح السيسي إن العمالة التي ليس لها دخل ثابت تواجه ظروفا صعبة في الحياة في حالة الإصابة فهي بلا مورد، مطالبا رجال الأعمال بضرورة التأمين عليهم خلال 15 يوما، خاصة أنهم يتعرضون لكثير من الحوادث خلال العمل. وأضاف "السيسي"، خلال كلمته بافتتاح مدينة العلمين الجديدة: "لو وزارة الإسكان متعاقدة مع شركات والهيئة الهندسية متعاقدة مع شركات أخرى، إجمالي الشركات أكتر من 1000 شركة، وعدد العاملين في الشركات قد يصل إلى 2 مليون كمثال، أنا مقدرش أفرض أو أقول إن ال1000 عامل يدفع لهم 2.5 مليون جنيه من الشركة يحصلهم من العمال الموجودين معاه على مدى زمني مناسب كل شهر، يبقى كده كل العمال ضمنت تأمينهم بالوثيقة". وتابع: "نستهدف كل الشركات باستقطاع مبلغ ال 2.5 مليار خلال 15 يوما، توضع في البنوك يبقى عملت وثيقة تأمين لمليون مواطن من العمالة المؤقتة هذه". واستطرد: "ليه ما بتحلموش بالقوة إيه 2.5 مليون من كل شركة بتشتغل في مشروعات ب 100 مليون جنيه، مرة ليه لأ، إوعى حد من رجال الأعمال الموجودين يزعل، مش بقول تديهم لهم كده، إنما حتى لو كان كده إوعى تتصور إن الأجر والثواب فقط إنك تصلي وتصوم وتطلع عمرة، وإنما إنك تأمن حياة إنسان وأسرته، الأجر لألف عامل وتحصل من 500 وما خدتش المبلغ ده لأي سبب اعتبرهم صدقة جارية ليك للعمال اللي ما انتظموش في الدفع، بكده قفلنا باب الفكرة".
