هيدي كرم: "الستات بتعك تحت عذر إنها مضغوطة وشايلة البيت"

أكدت الفنانة هيدي كرم، أن شخصيتها "النكدية" في مسلسل "سابع جار" وجدت انتقادً ومشاعر كراهية من النساء قبل الرجال "بيقولوا يارب يخونك أو يطلقك".
وأضافت كرم، في مداخلة تليفونية ببرنامج "سمع حس" مع حسام الحسيني على راديو "إينرجي" أن جميع النساء يقمن بأشياء تفلعها "نهى"، "ممكن تكون شديدة مع جوزها ومع ولادها ونضيفة زيادة عن اللزوم في البيت، وده بيكون بدافع المسؤولية".
وأوضحت أن زوج "نهى" لا يساعدها وحين يعرض المساعدة لا يستطيع في النهاية "مشكلة طارق أنه مش بيساعد"، وتابعت أنها لا تمانع تأخر زوجها خارج المنزل ولا تتشاجر معه من أجل ذلك "ببقى عايز أطمن عليه إنه كويس وماتأخرش عشان عمل حادثة أو فيه حاجة".
وأردفت أنها لا تعترض إذا ألغى زوجها "خروجة"، إلا في حالة انتظارها فترة طويلة "ساعتها هتخانق بقى"، مضيفة: "ولو جوزي نسي معاد مناسبة مهمة مش هتضايق لأنه مش دليل على الحب وأنا كمان نساية ومش حافظة تواريخ ميلاد حد غير أمي وأبويا وابني".
وأكدت أنها لا تعترض أيضا على إرضاء الزوج لوالدته على الإطلاق "الأم أم يا جماعة، هبقى مبسوطة لو بياخد باله من مامته وبيحبها وبيعملها طلباتها، ده يسعدني، لكن كونه ينسى حاجتي دي حاجة تانية بقى".
واختتم كلامها "إحنا كستات لازم نظبط نفسنا لأننا بنهبل ونعك تحت عذر إننا شايلين البيت، والراجل لازم يفهم إنها محتاجة شوية مساعة عشان أعصابها ترتاح".