سيد حمدي: "الأهلى والزمالك بيضحكوا علينا ويقولوا مفيش جماهير"

سخر سيد حمدى مهاجم مصر للمقاصة من السماح للاهلى والزمالك بحضور جماهير بأعداد محدودة عند مواجهة الفرق المختلفة فى الدورى على الرغم من قرار اقامة المباريات بدون حضور جماهير.
وقال سيد حمدى مهاجم الاهلى السابق عبر صفحته الرسمية على موقع التواصل الإجتماعى "فيسبوك" : الحمد الله علي كل شي مبروك للزمالك بس انا مستغرب بس من قصة ان ماتشات الدوري لسة من غير جمهور امال الجمهور اللي كان بيشجع الزمالك والمقاصة امبارح دا كان ايه شبح يا جماعه نفسي نخلي عندنا مبدأ مرة واحدة احنا بنضحك علي نفسنا ليه الجمهور بيدخل كل ماتش حد هيطلع بقولي ياعم دول عدد قليل عشان الماتشات من غير جمهور هههه.. حاجة تجنن ياعم رجعوا الجمهور كلوا وخلي في مبدأ حتي لما العب قصاد الا هلي او الزمالك اسمع حد من جمهورنا بيشجع".
وكان المقاصة قد تعرض للخسارة امس امام الزمالك بثلاثة أهداف مقابل هدف فى اللقاء الذى اقيم ضمن منافسات الجولة ال30 للدورى.