بالفيديو.."الأم المثالية" بالدقهلية:الزوج كفيف وأنجبت 5 ابناء حصلوا على شهادات جامعية.. وأقول للرئيس: ربنا يخليك لمصر

الأم المثالية بالدقهلية
- الزوج كفيف منذ أكثر من 30 عاما وتحملت المسئولية
-أنجبت خمس ابناء جميعهم أكملوا تعليمهم الجامعة
-الابنة: "أمى تستحق أن تكون الأم المثالية على مستوى الحمهورية"
كافحت وصبرت وتحملت رغم قسوة الأيام وجزاها االله حبا واحتراما وتقديرا، زوجها كفيف منذ اكثر من 30 عاما وأنجبت ابناءها الخمسة وعلمتهم جميعهم بالجامعة وفازت بلقب الام المثالية اعطت وقدرها ابناؤها.
صدى البلد التقى بالام المثالية واسرتها داخل منزلها لتروى لنا رحلة الكفاح الحاجة فاطمة ابنة قرية المقاطعة التابعة لمركز السنبلاوبن صاحبة ال64 عاما، حيث تحدثت قائلة: "عندى 5 ابناء ثلاث ذكور وبنتين الكبير عبد الخالق محاسب قانونى، حازم دكتور بآداب المنوفية قسم ألمانى، ومتولى اداب فرنساوى واسماء اداب علم نفس وشيماء حاصلة على بكالوريوس تجارة".
واستطردت قائلة: زوجى اصبح كفيفا منذ اكثر من 30 علما وكان موظفا واجرى عملية وتسبب اهمال الطبيب فى فقده لبصره وعملت مشروعا على مرتبه البسيط وربيت ولادى والحمد لله على خبر فوزى، انا فوجئت بالموبابل بيرن ورديت لقيت اللى بتكلمنى من الشئون وتقولى مبروك انتى فزتى بالام المثالية قلت لا اله الا الله وده من رضا ربنا عليا، 45 سنة مع زوجى كأنهم لحظة بحب زوجى جدا وعمرى ما اشتكيت وحازم متولى اداب فرنساوى واسماء علم نفس وشيماء بكاروليوس تجارة لما هقابل الرئيس السيسى هقوله "ربنا يوفقك وتعمل خير لمصر ويعم الأمن والامان على مصر ويكفى إننا نايمين مرتاحين مش عايزة حاجة غير انك ربنا يحفظك لمصر ويعينك على الحمل ده".
أما زوجها احمد عبد الخالق حسن 71 عاما فيقول انا بحمد ربنا على زوجتى الغالية، عمرى معاها بحسه انه عمر جديد ربنا يخليها لينا تستاهل كل حاحة حلوة، اتحملت وكافحت عشان تخلى ولادنا حاجة كوبسة والحمد لله رب العالمين على اسرتى دى".
أما ابنتها اسماء فتقول "كل سنة بحاول اعرف التقديم ازاى ولما عرفت رحت وقولت ليها أنا أمامي فرصة إعارة وعايزة كل الورق بتاعك واخواتى ومحبتش اعرفها واديتنى كل الورق ورحت الشئون وحكيت قصة كفاحها وعملت الورق ونسيت اكتب رقمى وكتبت رقم ماما واتصلوا بماما وكانت المفاجأة ماما كافحت عشانا وكانت بتراعى بابا وكان نفسى تبقى الام المثالية على مستوى الجمهورية مش الدقهلية بس، ربنا يخليها لينا يارب".