بالصور.. أول رد فعل من أحمد عز بعد خسارته قضية زينة

نشر حساب منسوب للفنان احمد عز علي موقع التواصل الاجتماعي، الفيسبوك، بيانا من احمد عز في اول رد فعل له بعدما قضت محكمة مستأنف الأسرة، برفض الاستنئاف المقدم منه على حكم محكمة الأسرة؛ بإثبات نسب توءمه زين الدين وعز الدين أبناء الفنانة زينة.
وجاء في البيان الناطق بلسان "عز": "كتير سألوا عليا امبارح، وأنا باطمنكوا، أنا الحمد لله كويس وزي الفل، وراضي باللي ربنا كاتبهولي كله، أنا كمان مش بس راضي، أنا سعيد بالابتلاء اللي أنا فيه عشان واثق في ربنا وفي نصره عاجلاً او آجلاً، وإن اللي أنا فيه ده ماهو إلا رفْع درجات بإذن الله".
وأضاف "عز" قائلا "طبعا أنا لا أعلق على أحكام القضاء، ومش هاطلع اعمل دوشة ولا أتكلم، عشان أنا سايب حقي على ربنا العادل الحق. اللي بقولهولكوا دلوقتي هو نفسه اللي بقوله من أول يوم في القضية، وهافضل أقوله لآخر نفس في عمري، وبأشهد الله علي كلامي ده، بل وأقسم بالله العلي العظيم إني ماتجوزتهاش ولا رسمي ولا عرفي ولا شفهي ولا ثانية، وإن شالَّه يكون معاها 100 حكم و100 شهادة ميلاد، برضه مش ولادي".
واختتم البيان بآيات من القرآن الكريم "بسم الله الرحمن الرحيم، وَلَا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ، إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَار، صدق الله العظيم".