بالفيديو.. "السيسي": المصريون بيتحدوا التحدي عشان تبقى بلدنا أفضل

قال الرئيس عبد الفتاح السيسي خلال حديثه بحفل إطلاق شارة البدء في مشروع تنمية شرق بورسعيد: «الكلام ده بقوله للمصريين، واللى حوالين منا اللى سمعينا دلوقتى، قرار تنمية محور قناة السويس طلع 2002، واللى انتوا شفتوه النهارده ده بالفعل موجود على الأرض، وأنا قلت للمصريين مش هكلمكم على مشروع مش جار العمل فيه، والشركات والمعدات اللى موجودة شغالة من شهرين وتلاتة ده معناه اننا شغالين من مدة طويلة».
وأضاف الرئيس: «المصريون بيتحدوا التحدي عشان يبقى فيه بلد أفضل، فلما أنا بطلب هنا من زمايلي الموجودين اللى شغالين كلها شركات مدنية وده مهم الناس تعرفه، حتى الناس اللى راحت تتدرب على معدات حفر الأنفاق.. والأنفاق بتاعت بورسعيد وإسماعيلية 4 شركات شغالة فيهم والمهندسين اللى ادربوا على المعدات مهندسين تلك الشركات، حتى نكتسب الخبرة ويكون لدينا عمل مصري خالص».
وتوجه الرئيس بالسؤال للواء كامل الوزير بسؤال: «امتى الأنفاق كلها هتجهز؟» فأجابه اللواء:«ستنتهى فى منتصف فى 2018»، فرد الرئيس يعني خلينا نقول إن أول نفق أو اتنين يكونوا فى سنتين»، فرد الوزير: «إن شاء الله أول نفق هينتهى فى سنة ونصف يا فندم».