مش عاوزة أعطلك

شعر: الأمير أباظة
ازاي أقدر أقولك
ف يوم اني بحبك
وأنا خايف م الهوا
احسن ما يجيش سوا
وتكوني يا حلم عمري
مشغولة بحد تاني
بيرسم الأماني
عايش علي الأغاني
ويجيب معاه لقلبي
الخوف من الضياع
من غير كلمة وداع
يسمعها من شفايفك
تقوليها بعزم قلبك
مش عاوزة أعطلك
روح شوفلك حتة تانية
غير حي حبنا
وداع ياحب عمري
وعمر عمر عمري
كلمة ماقلتهاش
ولا يمكن يوم أصدق
انك تبيعي حبي
لواد مايساويش
يمكن يطلع شاويش
أو حتى كمان يقولك
فيه.. ويطلع مافيش
أوحتى ما تلاقيش
كلمة ترد قلبي
اللي ضاع في الهوا
عشان ماجاش سوا
وتكوني ياحب عمري
ماتستاهليش غرامي
ولا كلمة من كلامي
اللي قلناه سوا
أنا وانتي والهوا
وادي كلمة الوداع
اللي جت من شفايفك
قلتيها بعزم قلبك
وداع يا حب عمري
مش عايزة أعطلك