بالفيديو والصور.. الطفلة المعذبة بالدقهلية: بابا ضربني عشان "قطعة كيك" و"صباع كفتة"

روت الطفلة سارة، والتى عذبها والدها بسبب تناولها كيكة وصباع كفتة دون علمه، ل"صدى البلد" من داخل قسم الحالات الحرجة بمستشفى الأطفال بالمنصورة ما تعرضت له من جانب والدها قائلة: بابا كان بيضربني عشان حطيت ريحة، وأكلت صباع كفتة وكيكة من غير ما يعرف ، ضربنى بخشبة وزقنى فى الدولاب واتعورت، وهو كان بيضربنى كتير وأنا فى الحضانة ومرة ضربني أوى وحرقني فى رجلي عشان ضيعت كتاب المدرسة".
وأضافت: " كان بيخلى عبد الرحمن أخويا عنده 3 سنين يضربنى ويقوله "اضرب الغوريلا "، كنت بخاف يشوفني وأنا باكل ليضربنى وماما كانت بتخاف منه، حاولت تحوش عنى كان بيزعق ليها، وتاخد عبد الرحمن تدخله أوضتي، وتقفل عليه لما بابا كان بيضربنى وتقوله كفاية وكنت باجيب دم".
وقالت: أنا سامحت بابا بس ميضربنيش تاني لو ضربنى مش هسامحه، أنا خفيت شوية والصداع راح، وأنا لما أروح هروح عند خالتي، وأنا عايزة أبقى دكتورة عشان أعالج الناس".