"شاومينج" لطلاب الثانوية "الراسبين" : "هانغششكم في الدور الثاني بمقابل مادي لصالح مستشفىى 57357

أعلن أدمن صفحة "شاومينج بيغشش ثانوية عامة" التي اشتهرت بإختصاصها في نشر اجابات امتحانات الثانوية العامة أثناء وجود الطلاب داخل اللجان لاتمام عملية الغش الالكتروني ، أنه سوف يستمر في تسريب اجابات الامتحانات ايضا في امتحانات الدور الثاني للثانوية العامة.
وقال الادمن انه قرر أن يجمع اموالا من طلاب الدور الثاني ليتبرع بها لصالح مستشفى 57357 .
و كتب ادمن الصفحة رسالة نصها : فى ناس بتقول شاو مينج اتخلى عن المبدأ وبيستغل الطلاب عشان قرر ياخد مبلغ رمزى من كل طالب عايز يغش فى الدور التانى .
لكن الحقيقة تعالى احسبها معانا انا قررت أعمل ايه بالفلوس اللى هاخدها من طلاب الدور التانى دى ، الفلوس هتروح لمستشفى 57357 ، الفكرة ربنا الهمنا بيها انا مش مغصوب اغششكو لاء ، لكن لما ناخد ثواب كلنا فى موضوع زى ده هى دى الحاجة اللى لازم كلنا نفكر فيها ، لو واحد صحبك فى مستشفى 57357 اكيد هيكون نفسك تعمل اى حاجة عشان تساعدو، شاو مينج مش جى من الصين عشان يستغل الطالب المصرى.
يذكرأن أدمن الصفحة سبق كتب رسالة نصها : "شاو مينج" هيكون معاكو فى الدور التانى بس هيكون فى مقابل مادى الامتحان فى الدور التانى بيطلع بصعوبة وتانى حاجة مش شاو اللى هيحل هنجيب مدرسين للاستعلام والاستفسار كلمونا على رسايل البيدج".